19 May 2007 04:18

SOMALIA WATCH

 
SW News
  • Title: [SW News] (QARAN) Hogaanka Jabhadda RRA oo sheegay in Inj. Muunye Saciid yahay ninka dhinaca siyaasadda magaca Digil iyo Mirifle ku hadli kara.
  • From:[]
  • Date :[07-May-2000 ]

Hogaanka Jabhadda RRA oo sheegay in Inj. Muunye Saciid yahay ninka dhinaca siyaasadda magaca Digil iyo Mirifle ku hadli kara.

BAYDHABO, Axad:

Qoraal ay ku saxiixnaayeen Col. Xasan Maxamed Nuur (Shaargaduud) iyo Sheekh Aadan Madoobe oo kala ah guddoomiyaha iyo guddoomiye ku xigeenka jabhada wax iska caabinta Raxanweyn oo shalay laga soo saaray magaalada Baydhabo ayaa lagu sheegay in Inj. Muunye Saciid Cumar uu yahay ninka ku hadli kara dhinaca siyaasadda magaca beelaha Digil iyo Mirifle.

Qoraalkan oo loo qaybiyey wakaaladaha wararka ayaa soo baxay gunaanadkii shir muddo dhowr todobaad ah uga socday magaalada Baydhabo mas’uuliyiinta jabhadda RRA iyo Inj. Muunye oo muddooyinkii dambe aad ugu sii dhawaanayey hoggaamiyaha RRA.

Inj. Muunye oo gacanta ku haya maraakiibtii Soomaaliya ayaa in dhawaalaba waday dadaal uu ku mataanaynayey beesha Reer Baraawe ee uu ka dhashay oo uu horeyna u sheegay inay yihiin Digil iyo Mirifle iyo RRA.

Asad Cabdi Maxamed afhayeenka Jabhada Badbaadda Digil (DSA) oo wax laga waydiiyey warkan ku saabsan magacaabista Inj. Muunye ayaa sheegay inaysan taasi qusayn beelaha Digil, sidaasi si la mid ahna aysan shaqo ku lahayn shirka la sheegay inuu Baydhabo ka socday, wuxuuna Inj. Muunye ku eedeeyey inuu yahay nin isku diraya beelaha Digil iyo Mirifle.

(QARAN PRESS)


[ News]

Copyright © 1999 by somaliawatch.org.  All Rights Reserved.  Revised:  19 May 2007 05:06 AM. Webmaster HomePage