- Title: [SW News] (QARAN PRESS) Cali Mahdi iyo Maxamed Faarax Jimcaale oo
wax laga waydiiyey bannaanbixii taageerayaasha Xuseen Caydiid
- From:[]
- Date :[07-May-2000 ]
Cali Mahdi iyo
Maxamed Faarax Jimcaale oo wax laga waydiiyey bannaanbixii taageerayaasha Xuseen Caydiid.
JABUUTI, Axad:
Cali Mahdi Maxamed iyo Maxamed Faarax Jimcaale oo ka mid siyasiyiinta
Soomaaliyeed ee ka qaybgalaysa shirka dib u heshiisiinta Soomaaliyeed ee Jabuuti ayaa
sheegay in shirku haysto 95% rabitaanka shacabka Soomaaliyeed.
Iyagoo ay habeen hore wax ka waydiisay sida ay u arkaan dibadbixii
dorraad taageerayaasha Xuseen Caydiid ka dhigeen fagaaraha Tarabuunka ee ay kaga hor
jeedeen shirkaas idaacadda codka Mareykanka (VOA) ayey si gooni gooni ah u sheegeen
inaysan la yaab lahayn diidmada taageerayaasha Xuseen Caydiid ee shirka Jabuuti.
Waxay sheegeen inay ku rajo weyn yihiin inay shirkaasi ka dhalato
dowlad Soomaaliyeed, bannaanbaxaasina uusan waxba u dhimi karayn hannaanka geedi socodka
nabadda Soomaaliya ee haatan socda.
(QARAN PRESS)
[ News] |