Arta (Djibouti) May 25, 2000 - Wararkii ugu dambeeyey ee kasoo baxay dalka Jabuuti ayaa sheegaya in shirkii duubabka Soomaaliyeed ee ka socday degmada Carta uu haatan marayo xaalad gebagebo lana dhameeyey habeen hore khilaafyo u dhexeeyey beelaha.

War laga tebiyey raadiyaha dowlada Jabuuti ayaa wuxuu sheegay inay heshiis gaareen beelaha Digil iyo Midhifle, Daarood iyo Hawiye. Waxay soo afgooyeen doodi dhinaca ergooyinka. Waxa waliba la sugaya magaalada CARTA wafti ka imanaya Waqooyi Galbeed.

War muurtiyeed gaaban oo ay soo jeediyeen odoyaasha beelaha Digil & Mirifle iyo Hawiye/Daarood ayaa waxay sheegeen inay beelahaasi is cafiyeen diyaarna u yihiin inay ka wada hadlaan sidii ay dowlad u dhisi lahaayeen. War murtiyeedkaasi oo laga soo daayey raadiyo Dabuuti waxay sheegeen in beelooyinka go'aan wax ku ool ah gaareen mudadii seddexda maalmood ahayd ee madasha la siiyey, waxayna mahad u soo jeediyeen Madaxweynaha Jabuuti Mudane Cumar Geele.

Beelahaasi waxay ka gaabsadeen inay faahfaahin dheeraad ah ka bixiyaan qodobada lagu heshiiyey. Khilaafka u dhexeeya beelaha Digil & Mirifle iyo lafta Habar Gidir oo ah mid aad u qoto dheer ayaan laga garaneyn sida heshiiskaas u afjarayo colaada iyadoo dhulka Digil & Mirifle weli xoog lagu heysto.