Baydhaba: [Xiddigta Banaadir]

Jabhadda RRA ee gacanta ku heysa gobolada Bay iyo Bakool ayaa Odayaasha Mirifle ee jooga magaalada Carte fartay inay ka soo baxaan shirka Jabuuti.

Jabhadda ayaa la sheegay inaysan ku qanacsaneyn shirka ka socda magaalada Carte isla marka-ana ka horjeedo, waxayna wararku sheegayaan inay farriin ay gaarsii-say Odayaasha ku dalbatay inay shirka si degdeg ah uga soo baxaan Odayaasha Mirifle ee ka tegay magaalada Baydhaba.

Guddoomiyaha gobolka Bay Maxamed Cali Aadan Qalinle ayaa horay u sheegay inaan wax heshiis ah lagu gaarin shirka Carte isla mar-kaana shirkaasi uu fashilmay, isagoo sheegay in Odayaasha Mirifle ay taas u cadeeyeen iyaga.

Md. Qalinle waxa uu shee-gay in Odayaasha aan loo ogoleyn inay wax xiriir ah la sameeyaan dad kale isgaarsiintiina laga jaray, sidaa darteedna ay RRA ka horjeedo arrintaasi, colaaduna weli taagan ta-hay oo ciidamada Salballaar & RRA ay weli is hor fadhiyaan.

Dowladda Jabuuti ayaa ho-ray u sheegtay in shirka Jabuuti aanu dhamaaneyn tan iyo inta lagu soo dhisayo Dowlad ay Soomaaliya yeelato.