19 May 2007 04:17

SOMALIA WATCH

 
Country
  • Title: [SW Country] ( WP-15Jun) WARAYSI AY WP LA YEELATAY MADAXWEYNAHA PL MUD C.YUUSUF.
  • From:[]
  • Date :[15 Jun 2000]

MADAXWEYNAHA PL:- DADWEYNAHA WAXAA LOO BAAHAN YAHAY TALAABOOYIN LAGU BADBAADINAYO NABADGELYADA IYO XORIYADA INAY DHAQSO U QAADAAN. 

 

Madaxweynaha Dowlad Goboleedka Puntland Md. C/laahi yuusuf axmed ayaa warbaahinta dowlada siiyay waraysi dheer oo aan ka soo qaadanay intii ku saabsaneyd booqashadiisii magaalada gaalkacayo shirka jabuuti iyo qaar ka mid ah masuuliyiinta dowlada oo fasax la'aan dalka ka maqan, waraysigiina wuxuu ku bilaamay.

Su'aaL:- Socdaalka aad ku timid Gaalkacyo muxuu ku saabsan yahay?

Jawaab:- Gaalkacyo waxaan ku imid socdaal howleed, waana caadi in gobolada la kor meero, oo la ogaado hawluhu siday u socdaan iyo xaaladu siday tahay, amnigu siduu yahay, Bulshada nolosheedu siday tahay, wixii dhibaato jira in la ogaado si tilaabooyinka ku haboon loo qaado sidaa ayaan u tagay gaalkacayo.

Su'aaL:- Waxaa jira shir dib u heshiisiin qaran inuu ka socdo Jabuuti, Dowlada Puntlandna ay mowqif cad ka istaagtay hadii sidaasi ku socoto inaysan ka qeyb galayn, kalsoonidana ay kala noqotay, arintaa maxaa ka leedahay mudane madaxweyne?

Jawaab:- Puntland bilowgii waxay go'aamisay qorshaha Jabuuti gacanta ku hayso ee ay doonayso inay fuliso inuusan waafaqsanayn himilada danaha ummadda soomaaliyeed, inaan shirka laga qeyb galin hase yeeshee dadweynaha ayaa wuxuu jeclaystay in loo diro odoyaal isimo ah, Dowladuna waxay ku dartay madaxweyne ku xigeenka Punland Md. Maxamed Cabdi Xaashi, mar hadii dadweynuhu sidaa codsadeen, shirkii loo diray wuxuu ahaa shir wada tashi, waxaan ku dirnay heshiis markii hore Dowlada Jabuuti iyo Dowlada Puntland ay wada galeen oo ay aqbaleen jabuuti.

Wafidgii halkaa tagaa inuu madaxbanaanidiisa iyo xoriyadiisa xor u noqon doono, in aan wax aan punland raali ka ahayn cidina ku khasbayn, shiiskaas markii la wada galay oo waliba uu balan qaaday uuna saxiixay Ismaaciil Cumar Geelle shuruudahaas ayaa waxaa la diray 20 Isim oo reer Punland ah, isimaduna ay iska xuleen, Madaxweyne kuxigeenkii iyo sadex nin oo xooghayn ahna lagu daray. Wafdigu mid buu ahaa ee labo ma ahayn, Punland baana dirtay waxaana loo diray in markii wada tashigu dhamaado ay dadkooda kula soo noqdaan, loomana dirin inay liisas qoraan oo iyagu siday doonaan ka yeelaan iyo inay shir qaran Punland u matalayaan ka qeyb galaan ee wixii loo diray waxay ahayd wada tashi, waana dhamaaday, markuu dhamaadeyna waxay codsadeen inay dib u soo noqdaan oo talo kula soo noqdaan Dowlad Goboleedka Punland si markaa wixii ku saabsan looga tashado dadweynaha iyo dowlad goboleedka wada jir ahaana u doortaan ciday shirka u dirsanayaan, ayna siiyaan wakaalad buuxda oo rasmi ah inay tagi karaan, Punland-na matali karaan, cidii iyadu iskeed isaga tagtaana aysan cid wakiil ka ahayn. Wixii halkaa ay hadhow ka qabtaan cid aan wakiil ka ahayn punlandna, dabcan dastuurkeeda iyo shuruucdeedu ma ogola aduunkoo dhanna waa ogyahay, odoyaasha iyo madaxweyne ku xigeenka markay wada tashigii dhamaysteen 10 casho kahor bay codsadeen inay talo kula soo noqdaan ummadda 10 casho looma suura galin, intii la xayiray ayaa waliba lagu dirqinayaa ergooyin liisaskooda hadeer na siiya shirkiina waa la galayaa oo Dowlad baa la dhisayaa, hade ma qaadi karaan masuuliyad aysan u xil saarneyn, ciday doonaanna iskama qoran karaan, qof qoran karaana ma jiro, dadka waxaa dirsanaya oo qoronaya Gobolada iyo Degmooyinka, cidii ay dirsadaan baana rasmi ah, marka hade Isimadu taa ma ay aqbali karin oo way ka cududaarteen, waxaa ka horeeya bay  

yiraahdeen inaan dalkii ku noqonaa, Punland-na ay sal u timaadaa in ay talo ku soo doorateyna shirka uga qeyb gashaa, hadii loo suura galin waayey

inay soo baxaan, lagana xayiray dhaqdhaqaaqoodii ay dib ugu soo noqon lahaayeen, waxay dowlad goboleedka punland u fariisatay shir hor leh, waxaa Dowlada jabuuti iyo aduun weynaha ka codsatey in wafdi Punland ee 25 qof ah loo ogolaado inay soo baxaan inta la soo siiyo diyaaradna dalka ku soo noqdaan, markaa wada tashi rasmiya la galo sidii jabuuti laga yeeli lahaana markaa la isla meel dhigo, hadii sidaasi ka socon weysay dowlada jabuuti xayiraadna ku soo rogtay wafdigii Punland. Punland waxay go'aansatay markaa inay dowlada jabuuti codsi u jeediso. Go'aamadii Puntland-na waa loo (Fax) gareeyay, Qaramada Midoobay iyo Ururada caalamiga ahna waa loo diray, waxaana codsanay dadka Punland meesha ka jira inay dalkooda dib ugu soo noqdaan, intay soo noqonayaana la ilaaliyo, nabadgaliyadooda, xuquuqdooda mida wadaninimo iyo mida siyaasadeedba, in loo ogolaado iyagoo xor ah inay socdaali karaan, hadli karaan, fikradahoodana ay cabiri karaan. Dowlada jabuuti waxay yeeli doonto garanmayno, dadweynaha waxaa loo baahan yahay talaabooyin lagu badbaadinayo nabadgaliyada iyo xuriyada inay dhaqso u qaadaan.

Su'aal:- Madaxtooyada war kasoo baxay ayaa sheegay inaan loo dulqaadaneyn madaxda fasax la'aan dalka ka maqan, warkaa ka waran?

Jawaab:-. Runweeye amarkaa, nin masuuliyad haya oo wasiir ah, ama agaasime guud inuu fasax gaaban qaato, bilana maqnaado nidaam ogoli ma jiro ragaas waxaa laga doonayaa inay deg deg ku soo galaan, cidii hada kadib sidaa yeeshana laga aqbali maayo, dowladuna waxay ku khasbanaan doontaa talaabada la gudboon oo nidaamka waafaqsan inay qaado.


[Country]

Copyright 1999 by somaliawatch.org.  All Rights Reserved.  Revised:  19 May 2007 05:05 AM. Webmaster HomePage