Wafdi Puntland oo maanta u ambabaxaya Jabuuti.

BOOSAASO, Axad:

Wafdi ka kooban 5 xubnood oo uu hogaaminayo Cali Ismaaciil Cabdi Giir oo ka socda Puntland ayaa lagu wadaa inay maanta booqasho ugu kicitimaan magaalada Jabuuti ee Jamhuuriyada Jabuuti.

Socdaalka wafdigaas ayaa jawaab u ah marti qaad ay ka heleen madaxweynaha Jamhuuriyada Jabuuti Ismaaciil Cumar Geelle oo lagu waramay inuu kala tashanayo madaxdaas Puntland qaabka qabsoomida shirka dib u heshiisiinta ee Soomaaliya.

Wafdigaas oo uu ka mid yahay Xasan Abshir Faarax Wasiirka arrimaha gudaha ee Puntland ayaa lagu wadaa inay dib ugu soo laabtaan Puntland 4 cisho ka dib.