19 May 2007 04:14

SOMALIA WATCH

 
SW News
  • Title: [SW News]( Warsidaha Puntland - 33 )JAWAABTII GUDDOOMIYAHA MAXKAMADDA SARE KA BIXIYAY KIISKII BURTINLE
  • From:[]
  • Date :[]4 Feb 2000

JAWAABTII GUDDOOMIYAHA MAXKAMADDA SARE KA BIXIYAY KIISKII BURTINLE

Guddoomiyaha Maxkamadda Sare-DGPL - Yuusuf X. Nuur

Guddoomiyaha maxkamadda Sare Dr. Yuusuf X. Nuur ayaa 27/01/00 ka soo saaray Taliyaha Ciidanka Booliska iyo Wasiirka Arr. Gudaha Ogeysiinna ku ahaa Xafiiska madaxweynaha, Dhibbanayaashii dacwadda, Xeerilaaliyaha Guud iyo Wasiirka Caddaaladda iyo Arr Diinta Ujeedadiisuna ahayd sii dayntii saddexdii eedaysane ee u xirxirnaa qaraxii Burtinle, isaga oo tixraacaya qoraalkii taliyaha Ciidanka Booliska wuxuu kaga jawaabay sidatan. 

  1. Xeer ilaaliyaha Guud iyo Booliska ayaa u xil saaran iyagoo isku dhinac ah in ay eedaysanayaasha ku soo oogaan Eeda, haddii ay eeddeyn u hayaan maxkamaduhuna shaqo kuma leh in ay faro galiyaan baaritaanka inta ka horreysa dhageysiga dacwadda.
  2. Markii caddeyn la waayo Xeer ilaalintu waxay awood u leedahay in ay xirto dacwadda, Maxkamaddana ka codsato tallabooyinka sharcigu tilmaamayo (procedemento de non doversi procedere) oo macneheedu yahay in aan la sii wadi karin ijra'aadka Dacwadda. Garsoorkuna waa sii daynayaa haddii eedaysanayaashu xiran yihiin.
  3. Kiiska Burtinle ka dhacay wuxuu ahaa kiis aad u culus oo dhibatooyin waaweyn ka dhasheen, waxay ku habboonayd in meel fagaare ah Garsoorku ku qaado dadweynuhuna dhageysto, hase yeeshe; xilkaas waxaa laga doonayey Booliska iyo Xeer-ilaalinta in ay horkeenaan Maxkamadda Caddaymo ku filan eedeynta. Mar haddiise xeer ilaaliyaha Guud ee DGPL uu xiray kiiskii Maxkamaddana u gudbiyey qoraal uu ku dhaliilayo Baaritaankii, dibna u amray in la baaro kiiska, isaguna uu leeyahay awoodda Hogaaminta baaritaanka dambiyada iyo talada ugu dambeysa waxaa waajib ah in la raaco Ga'aankiisa.
  4. Haddii xeer ilaaliyuhu hello caddeyn kaafi ah waxaa waajib ku ah in uu eedeynta u gudbiyo Maxkamadda awoodda u leh qaadista dacwadda mana xiri karo kiiska haddii ayan jirin sabab kale ee sharciga waafaqsan.
  5. Bulshada waxaa wakiil u ah Xeer ilaaliyaha guud isaga ayaa laga doonayaa in uu ka qabto una gudbiyo Maxkamadda si loo abaal mariyo.
  6. Looma baahna khilaafka ka dhex dhashay taliyaha Booliska iyo Xeer-ilaaliyaha guud, waxay ahayd in ay is-qanciyaan oo talo midaysan gaaraan si aan jaaha wareer loogu ridin bulshada.
  7. Ugu dambeyntii in kastoo Maxkamdda sare dulucda dacwada dhageysan xog ogaalna u ahayn sida arrintu u dhacday iyo caddeynta inta ay le'eg tahay maaddaama dib loo baari doono kiiska ayna suuro gal tahay in ay ugu timaaddo racfaan, waxay qabtaa in la raaco Go'aanka Xeerilaaliyaha guud, maadaama uu leeyahay xilka ugu sarreeya ee oogista dambiyada.

[ News]

Copyright 1999 by somaliawatch.org.  All Rights Reserved.  Revised:  19 May 2007 05:02 AM. Webmaster HomePage