19 May 2007 04:14

SOMALIA WATCH

 
SW News
  • Title: [SW News](QARAN PRSSS) Ugaaska Beesha Murusade oo si dhuumaal ah shalay ugu dhoofay Jabuuti
  • From:[]
  • Date :[25 April  2000]

 

Ugaaska Beesha Murusade oo si dhuumaal ah shalay ugu dhoofay Jabuuti

MUQDISHO, Talaado:
Ugaas C/qaadir Ugaas Xaashi (Ugaas Fara Cadde), ugaaska beesha Murusade ayaa shalay si dhuumaal ah uga ambabaxay dalka isagoo ku sii jeeda dalka Jabuuti oo ay haatan ku sii qulqulayaan duqayda dhaqanka ee beelaha Soomaaliyeed si ay uga qayb galaan shirka dib u heshiisiinta Soomaaliyeed oo la filayo inuu dhawaan furmo,.
Ugaas C/qaadir oo shalay gelinkii hore ka cudurdaartay shir beeshiisu ku lahayd guri ay leedahay haweenay lagu magacaabo Caa! sho Shaacuur oo ku yaalla koonfurta Muqdisho kana qaybgalay! ey ayaa codsaday in la fasaxo si uu u soo eeggo hooyadiis oo uu sheegay inay ku xanuunsan tahay xaafadda Gubta ee degmada Yaaqshiid, hase yeeshee saacado kaddib la caddeeyey inuu ka dhoofay isaga iyo afar xubnood oo kale garoonka No.50 ee gobolka Shabeelaha Hoose.
Dhoofitaanka Ugaaska ee qarsoodiga ah ayaa carro weyn ka dhaliyey halkii beeshu ku shirsanayd, waxayna taasi dhalisay in shalay gelinkii dambe la qafaasho kaaliyihii ugaaska oo lagu magacaabo Kamaal Xasan Cowl.
Kamaal ayey gurigiisa oo ku yaalla xaafadda Xararyaale ee degmada Wardhiigleey ka qafaasheen wiilal ay walaalo yihiin Ugaas C/qaadir oo ku eedeeyey inuu yahay ninka hogga ka tuuray Ugaaska, beeshana isku diray.
Ugaas C/qaadir Ugaas Fara Cadde ayey dad ku dhow dhowi sheegeen inuu diidanaa ka qaybqaadashada shirka beelaha Hawiye isagoo horeyna uga qayb galay shirkii kan ka horeeyey oo horaantii sanadkii 1998-dii ka furmay magaalada Beledweyne ee bartamaha Soomaaliya.
Beesha Murusade ayaa maanta k! a shiraysa go’aanka ay ka qaadanayaan Ugaaska iyo talaabada ay ka qaadi lahaayeen shir ka dhacaya deegaanka Xararyaale.


(QARAN PRSSS)


[ News]

Copyright © 1999 by somaliawatch.org.  All Rights Reserved.  Revised:  19 May 2007 05:01 AM. Webmaster HomePage