- Title: [SW News] (QARAN) Wafdi ka socda Bankiga
Aduunka oo booqday Dhulka Xukuumad Goboleedka Puntland
- From:[]
- Date :[28 April 2000]
Wafdi ka socda Bankiga Aduunka oo booqday
Dhulka Xukuumad Goboleedka Puntland.
BOOSAASO, Jimce:
Wafdi ka kooban saddex xubnood oo ka socday Bankiga Aduunka ayaa
khamiistii ka ambabaxay Magaalada Boosaaso, ka dib muddo todobaad ku dhow oo ay joogeen
Gobolada Puntland.
Wafdigan oo ay la socdeen xubno ka tirsan ururrada Lanqayrta Cas ee
Adduunka, ICRC iyo Ururka Bisha Cas ee Soomaaliyeed ayaa ujeedada booqashooda ku macneeyey
u kuurgal ay ku samaynayeen ilaha dhaqaale iyo arrimaha bulshada ee gobollada xukuumad
goboleedka Puntland.
Wafdiga bankiga adduunka oo kulamo la yeeshay madaxda dowlad goboleedka
iyo guddoomiyeyaasha gobollada Bari, Nugaal iyo Mudug ayaa ballanqaaday inay fulin doonaan
mashaariic ku saabsan biyaha oo ay u soo marsiin doonaan hay’adda ICRC, gaar ahaan
dhulka daaqsinta ah ee xoolaha iyo dadka reer guuraaga ah.
Waxay soo kormeereen dekedaha, garoomada diyaaradaha, isbitaalada iyo
ceelasha biyaha ee gobollada.
(QARAN PRSSS)
[ News] |