(SomaliNet)
Muuse Suudi Yalaxow oo ka mida hogaamiye
kooxeedyada ka jira magaalada Muqdisho ahna
kuwa sida weyn uga soo horjeeda dowladda KMG
ah ayaa waxaa noo suurto gashay inaan wareysi
layeelano. Suudi oo aanu kula xiriirney qadka
telefoonka waxana ay su'aaluhu u dhaceeen
sidan.
Su'aal: Ka waran xaalada goobaha aad
gacanta ku heyso ee uu maamulkaagu ka shaqeeyo?
Suudi: Anaga waxaan ka mid nahay
hogaamiye yaasha waxka maamula gobolka
Banaadir, dadkeyguna amase taageerayaasheyduna
waxa ay igu raaceen mabd'a, waxaana ka taliyaa
Koonfur galbeed Muqdisho ilaa dagmooyinka
Balcad iyo Xararyaale iyo weliba inta u
dhaxeysa.
Su'aal: Muuse adigu hogaamiye noocee
ah baad tahay ma mid qabiil mise mid ku hadli
kara magaca Gobolka Banaadir?
Suudi: Anigu waxaan ahay mid ku
hadli kara magaca banaadir oo waa la
weydiinkaraa dhamaan dadka nala dagan ee hoos
yimaada maamulkeena, taariikhdaana shegeyso.
Su'aal: Maxaad uga soo horjeedaa
dowladda KMG ah?
Suudi: Umaba aqoonsani dowlad adinka
hadaad u aragtaan in ay yihiin dowlad ma aqaan,
maxow qaban karaa Cali Khaliif maxowse qaban
karaa C/qasim, anigu waxaan u arkaa in Cali
Khaliif looga baahan yahay dhulkiisa hatago oo
dadkiisa ha heshiisiisto, C7qasimna waxaan u
arkaa Xussen Ceydiid falago ka leexatay.
Su'aal: Muuse inooma cadeyn sababta
aad ugaga soo horjeedo dowladda ee ma inoo
qeexi kartaa?
Suudi: Meesha dowlad ma jirto,
dalkase waa la kala heystaa, Waqooyiga
Soomaaliya Ibrahim Cigal ayaa looga dambeeyaa
Gobolada dhexena waxaa loga dambeeyaa
Cabdulahi Yusuf, Xamarna rag ayaa isku heysto
oo aan C/qasim iyo kooxdi Carta aanku jirin
ilen iyagu meel ma heystaane, kuwa dagalka ku
jira haleysku keene markaasaa Soomaali ay
heshiinkartaa.
Su'aal: Waxaa laguugu eedeeyay in
aad gacan saar la leedahay dalka Itoobiya,
hadana uu hub kaaga yimid arintaasi ma jirtaa?
Suudi: Waxaasi waa waxey ku tuugsi
tagaan qolooyinkaan Carta, waa la yiri ma ahee
aawey hubka intow soo marey maxaa loo qaban
waayay hadoo hub ii imaanaayay ileen Markab
ama Dayuuradaa keeni laheydee, Soomaaliya
hubka waa ka xeran yahay ayagaa Yaman iyo
Liibiya hubu keentay oo waxaa ay yiraaheen
dharey noo keentay Yaman, taasi waa been oo
hub ayaa loo keenay.
Su'aal: Muuse ma waxaad ileedahay
hub iigama iman Itoobiya?
Suudi: Haa! wax hub ah oo ii yimid
ma jiro, aniga waxaan Calamka u sheegaa in aan
hub la soo dagin balse C/qasim iyo in ay hada
wadamadii Rushka ahaa ee bur burey inay hubka
soo gadanooyaan, anaguse wax hub ah ma noo soo
dago.
Su'aal: Waxaad tiri Itoobiya ima
caawinto, xagee ka keenta hadaba biilka iyo
hubka aad ku kala hagto ciidankaaga?
Suudi: Anaga ilaahaan tala saaranaa,
taageera yaasheyda oo dibada iyo gudahana waa
i soo caawiyaan, waa isku filan nahay.
Su'aal: Adiga iyo xiriirka Itoobiya
waa sidee?
Suudi: Aniga iyo Itoobiya wax dhiba
nama kala heysto, waa dad walaalahena oo aan
darisnahay waana isku fican nahay waana is
jecelnahay oo wax dhib ah nama kala
heysto,balse waxaan idiin sheegaa dadkaan
yeysan nagu diri dadkaan walaalaheyna,
Itoobiyase waa meesha kaliya ee Soomaali ayku
joogto fiisa la'aan labadaan nin o leh
Itoobiya nasoo weerarooso ee ah Cali Khaliif
iyo C/qasim dadkooda ayaa ugu badan qaxootiga
ay Itoobiya heyso.
Su'aal: Adiga iyo C/qasim wax wada
hadal ah oo mar idiin bilowday miyey jiraan?
Suudi: Wax wada hadal ah oo noo
bilowday ma jiraan, maxaanse ku wada hadalnaa
maxow yahay C/qasim cidka socotana iima
imaankarto, meelahaasey wad wadaan in ay wada
hadal bilowday aniga iyo ayaga taasna waa wax
ay ku suuqtagaan oo caalamka ayey wax uga
raadinayaan, aniga iyo ayagana ma kulmin mana
wada kulmeyno!.
Su'aal: Hadii uu C/qasim soo codsado
in uu kula kulmo mala kulmi laheyd?
Suudi: Hadow ii yimaado asigoon
sheeganeyn waxa owhada sheeganaayo waa laga
yaabaa in aan la kulmo, balse inta uu leeyahay
Madaxweyne ayaan ahay la kulmi maayo.
Su'aal: Shirka Yaman ay wado maxaad
ku diiday?
Suudi: Yaman waxey isku tilmaantey
iney Soomaali taqaan waana been, maxey
Soomaali ka taqaan Yaman, mideeda kale manoo
cadeyn shirka waxa uu ku saabsan yahay waxeyna
aqoonsadeen C/qasim anagana tagimeyno cid C/qasim
maxadaxweyne oow u yahay.
Su'aalaha kolkii aanu dhameynay ayaa Muuse
Suudi waxaa uu na weydiiyay in aan wada
shaqeyno BBC-da afsoomaaliga, anagoo markaasi
ugu jawaabney in aysan wada shaqeyn ka dhaxeyn
hada idaacada BBC-da balse aanu axsaabnahay
shaqalaheeda ayuu yiri waxaan rabaa in aan ka
hadlo cadaalad daro oo ay BBC-da nagu sameysay
isagoo arintaas ka hadlayana waxaa uu yiri
Suudi "BBC-da magacii xageena waa laga
badalay oo waxaa loo baxshay idaacda C/qasim
iyada iyo HornAfrik iyo midan la yiraahdo STN,
BBC-da waxey nagu sameysaa cadaalad daro oo
marka aan war saxaafadeed aanu soo dirnana
hoos ayaa la dhigaa marka waxaan Soomaalida u
sheegayaa in aan wararkeeda lagu kal soonan
waana idaacad u adeegta C/qasim iyo koodi
Carta".
Hadaba wareysiga oo maqal ah galabta Axada
ah kala soco RADIO SWEDEN adigoo halkan
rixaya
Waxaa wareysigan qaadey: Saciid Axmed
Cabdulwaxid - Sweden