BBC-du Waxay Noqotay MogRadio

SW News

Title: [SW News](S/L Democracy Watch Org-Bayaan)BBC-du Waxay Noqotay MogRadio
Posted by/on:[AMJ][Saturday, February 10, 2001]

Somaliland Democracy Watch Organisation

To Promote Democracy in Somaliland

BAYAAN
BBC du Waxay Noqotay Reedyoow Muqdisho

Sida aaynu wada maqalnay, dhowaan ayay BBC da iyo dowlada Somaliland ku kala sexeexdeen heshiis BBC du ku balaadhinayso baahinteeda kana furaysao mowjada FM ta oo laga dhegaysan karo Hargeysa. Heshiskan aay hada BBCdu la gashay dowlada Somaliland oo ah mid aay ahayd in uu mudo horeba laga hirgeliyo Somaliland sida looga hirgeliyay Magaalooyinka Muqdisho iyo Jabuuti. Waxa uu ahaa mid aay hirgelintiisa uu hortaagnaa Tafatiraha BBC da ee Yuusuf Garaad taasi oo aay ugu wacnaayd ujeedo siyaasadeed oo uu aaminsan yahay.

Haddaba Laanta afsoomaaliga ee BBC da oo ahaayd mid sanadahii danbe caadaaysatay iska dhega tirida in aay ka waranto horumarka dhaqaale iyo siyaasadeed ee aay Somaliland ku talaabsatay kana faafiso warar kutiri ku teen ha oo aan sal iyo raad toona lahayn, taasi oo aay dhamaanba umada reer Somaliland ka wada war qabto guda iyo dibadaba gaadhsiisayna ilaa heer in la abaabulo mudaharaadyo kala gedisan oo isugu jira kuwo lala hortago xafiisyada BBBC da iyo qaar luugu soo gudbiyay qoraalo iyadoo la adeegsanayo qalabka is gaadhsiinta sida internetka , fagas iyo boostaba. Jaliyada Somaliland ee ku nool wadankan ingiriiska aay mudaharaadyo ka hordhigay daarta weeyn ee BBC du ku taal ee la yidhaah bush house kuna muujinayeen sida aay uga xun yahiin in BBC dii aay noqotay hayad u adeegta Abdi qaasin oo keliya iskana idha tirto waxyaabaha kale ee ka dhacaya Somaliland iyo dhamaan Somaliyada kalaba, tani oo qoraalo kala gedisana luugu gudbiyay hogaanka sare ee BBC da.

Waxyaabah kuu sii cadayn kara waxa ka mid ah in labadii jeer ee sanadkii in soo dhaafay ee jaaliyad Somaliland ee ingiriisku soo abaabuleen banaanbaxyo aay ku taageerayeen gooni isu taaga Somaliland, in BBC da si toos ah loo soo casuumay loona sheegay in bananabaxyadani aay dhacayaan aayna ka soo qaayb galaan indhahoogana ku arkaan si aay uga qortaan wixii warbixin ah ee ay uga baahan yihiin banana baxyadaas iyo ujeedooyinkii ka danbaysayba.

Laakiin nasiib daro waxay noqotay in aany labadii goor aanay marnaba iman, ama diideen in aay xitaa aqbalaan in banaanbaxani dhacay, markii aay warka ka sheegayeena aay yidhaahdeen warar naga soo gaadhay booliska ingiriiska ayaa noo sheegay in banaabax ka dhacay magaalada London. Tani oo marka la barbar dhigo mudahraad yar oo aay taageerayaasha cabdiqaasin ka dhigeen London oo dhamaaa ilaa iyo 75 qof aay markiiba warka ka sheegeen aadna u buunbuuniyeen, Halka kuwii Somaliland oo aay ka soo qaayb galeen dad ku dhow kun qof aay iska indho iyo dhego tireen.

Waxyaabahan oo dhamina waxa aay kuu cadaynaysaa sida uu Yusuf Garaad u cadaystay in uu BBC da ugu adeego ninkaa aay aadka isugu dhowyihiin ee Cabdi Qaasin uuna had iyo jeer buunbuuniyo warar aan sal iyo raad toona lahayn oo uu ku taageersan yahay Cabdi Qasin.

Somaliland waxa qudha oo uu jecel yahay in inteeda xun uu raadiyo oo haddii uu maqlo mudaharaad yar baa meel ka tiran Somaliland ka dhacay uu markiiba warka qodobka koowaad ka dhigo. Waxa uu bilaabay xataa in uu waraysiyo aay BBC du la yeelato taageerayaasha Somaliland uu diiday ama uu aad u xakameeyo.

Anagu waxaan aaminsanahay BBC du in aanay cidna waxba u dhimi Karin cidna aanay wax u kordhin Karin, sidaas darteed waxa aanu ku talinaynaa in marka hore BBC da la iska ilaabo oo aan loona baahnayn in aaynu u tagno oo aaynu nidhaahno na waraysta mar haddii aay iyadii ina soo doonan weeyday, waa laga qurux badan yahay in aay yidhaahdan qof baa manta nuugu yimid xafiiskayaga oo aanu wax ka weeydiinaynaa wax uu rabo in uu sheego ee uu naga soo doonay, ama uu talefoonka uu nuugu soo diray. Afkan oo ah mid aad u qalafsan kuna jihaysanayn habka saxaafadaha ito dimoqraadiyadaba.

Sababaha kuu cadaynay in aanu Yusuf Garaad daacad ka ahayn mowjadan FM ta waxaa ka mid ah

1.Hargeysi waxay mudanyd haddii uu Yusuf Garaad daacad ka yahay FM tan uu hadda wado in ay noqoto meeshii koowaad ee laga hirgelin lahaa kana mudnayd xamar iyo jabuutiba dhan wal oo la dayaba, laakiin waa mid aay ku keliftay culays iyo cadaadis weyn oo kaga yimid umada reer Somaliland iyo maamulka sare ee BBC da.. Tanina waxa ay ku tusaysaa sida uu u jecelyahay in uu arimahii BBC daba uu uga wareejiyo Somaliland oo aahyd halkii aay ka soo bilaabantay aasaaska BBC du.

2.Wax kale oo uu ku muujiyay hadaladiisii uu kaga hadlay BBC da iyo Raadyoow Hargeysa in aay laahyeen xidhiidh dheer oo soo jireena, isla markaasna uu xusay in qofkii ugu horeeyay ee BBC da ka hadlaa uu ka yimid Raadyoow Hargeysa, Hadaba maxaa keenay in iyadii oo Hargeysi sidaas ugu horeeysay BBC da aay noqoto tii ugu danbaysay ee aay mowjada FM tu soo gaadho, ma maanta aayuu se ogaaday Yusuf garaad xidhiidhkaas qotoda dheeraa, waa mid aad odhan karto waa qiiq isku qarin i yo is yeelyeel.

Hadaba waxa aan BBC da u sheegaynaa in shacbiga Somaliland aanay ku kalsoonayn in mojada FM ta ee uu hada Yusuf Garaad la orordayo oo ah Saanbuuse laga eedmay, aanay ka duwanaan doonin BBC dii cadiga ahayd, Somaliland idaacadeeda ayaa ku fulin, shacabkuna kaga kalsoon yahay warka aay BBC du sheegto, iyo weriyaasheeda aad mooda in aay afsomaligaba ku mergenayaan kicintiisuna ku adagtahay.

Sidaas darteed maadama oo aay laantii afsoomaliga ee BBC du noqotay laan u shaqaysa shaqsiyaad gaara kana weecatay nidaamkii u sinaanta umada afsoomaaliga ku hadasha, waxaan dhamaan xilwadeenada laamaha kala duwan ee dowlada Somaliland, ururada gaarka ah iyo dhamaanba shacbiga Somaliland iyo dhamaanba umadaha afsoomaaliga ku hadla ee dareensan dhan u janjeedhkan aan geedna luugu soo gaban ugu baaqaynaa in aany wax xidhiidh ah la yeelan BBC da isla markaasna wax waraysi ahna aanay siin haba yaraatee inta aay ka waantoobayso nidaamka kala sooca.

Guled Cabdi Sheekhaash Mukhtar Axmed Sh. Adan (Teysa) Axmed Maxamed Yuusuf

Gudoomiye Gudoomiye ku xigeen Afhayeen

[ News]