(SomaliNet)
Diyaarad weyn oo ay leeyihiin ganacsato
Soomaaliyeed ayaa shalay timid dalka
Soomaaliya iyadoo ka soo degtay garoonka balli
doogle ee gobolka Shabeellaha Hoose.
Diyaaraddan oo qaadi karta 160 qof ayaa
sidoo kale waxay ganacsatadaas soo iibsadeen
laba diyaarad oo kale kuwaas oo mid ay qaadi
kareyso 38 qof,halka tan kalena ay raaci
karaan 50 qof.
Ganacsatada diyaaradahan soo iibsatay oo ku
bahoobay shirkad la yiraahdo AIR
SOMALIA ayaa abuuritaankeedu wuxuu ku
soo aaday kadib markii dib u habeyn lagu
sameeyey garoonka diyaaradaha ee Cisaley.
waxaa ka mid ah ganacsatada saami wadaagga
ku ah diyaaradahan Xaaji Abuukar Cumar Caddaan
oo ah milkiilaha Hotelka Ramadaan oo
xarun u ah golaha Wasiirrada ee Dowladda
KMG ah iyo Mahad Dirir Guuleed, iyo
xubno kale.
Maxamed Muxiyaddiin Cali - Muqdisho,
Somalia