19 May 2007 04:26

SOMALIA WATCH

 
SW News
  • Title: [SW News]( BP)[Wareysigii Aqoonyahan Dr. Axmed Xaaji Moxamed
  • Posted by/on:[AMJ][Sunday, August 6, 2000]

Wareysigii uu wargeyska la yeeshay Dr. Axmed Xaaji Maxamed todobaadkii aan soo dhaafnay
by BAYDHABO PRESS

Wareysigii uu wargeyska Baydhabo Press todobaadkii hore la yeeshay Dr. Axmed Xaaji Maxamed isga oo jooga Baydhabo qeybtisi kowaad

BAYDHABO August 4, (BP)-Waxaan idin soo gudbin doona wareysi aan todobaadkii hore la yeelanay Dr. Axmed Xaaji Maxamed isaga oo waqtigaas dalka ka dhofayey wareysigiina waxaa uu dhacay sidtan:

BP: Dr. Axmed waxaan marka hore kugu mahad celinaynaa fursadaan aad na siisay, intaas ka dib waxaa lagugu tiriyaa dadka sida aadka ah uga soo horjeeda shirka Carta, wax iska badelay miyey jiraan mawqifkaagi hore ee aad ka taagneyd shirka Jabuuti?

Dr. Axmed Xaaji Maxamed:  marka hore waxaan salaan u gudbinaya bahda wargeyska Baydhabo Press oo runtii qabtay shaqo aad u wanaagsan. Intaas ka dib maya ma jiraan wax iska badelay mawqifkaad igu ogeydeen, bacdamaa qaabka uu shirku u socdo aysan wax iska badelin.

BP: Dr. Axmed maxaad ku dhaliil laysa shirka oo aad ku diidantahay? wax talo ah ma ka dhibatay si loo saxo dhaliil lahaas aad aragto?

Dr. Axmed Xaaji Maxamed: waxaan filayaa in aad la socotaan waxyaabaha aan ku dhaliil sanahay shirka Carta, oo ay ugu horeyso dhismaha dawlad aan loo marin dariiqi saxda ahaa, dawlada la rabo in Carta lagu soo dhiso waxba kama duwana dawladihii hore ee Somaaliya ka jirijiray ee laga dhaxlay cadaalad darida iyo maamul ku dhisan dulmi, sidaas darteed dawlad kasta oo la rabo in ay Somaali ku gaarto horumar iyo cadaalad waa in loo maraa habka ku saleysan [Building Block ama Botom-up -approach] iyada oo weliba la xadiidayo tirada dawlada Federaalka, gobolada la kala haystana looga baxaa si nabadgelyo leh sii ay u dhismaan maamul goboledyo ka dibna maamuladaas ay isu yimadaan oo wada sameystaan dastuurkii iyo dawladi dhexe. Arimahaas waxaan u sheegay Madaxweynaha Jabuuti Md. Ismaaciil Cumar Gelle waqti hada laga joogo sanad oo ku aadaneyd markii uu soo bandhigay qorshihiisa nabadeynata Somaaliya, waxaan aad ugu adkeyay in iyada oo aan degaanka Banaadir lo sameyn maamul goboled lagana bixin gobolada la iska haysto aan shirweyne Somaaliyeed la qaban labadaas arimood oo qeyb ka ahaa taloyinkaygii waxba lagama soo qaadan shirkiina waa la qabtay.


BP: Dr. Axmed ma waxaad diidan tahay in ay Somaaliya yeelato dawlad? sidee baad u aragtaa caasimad noqonshaha magaalda Baydhabo?

Dr. Axmed: Maya walaal ma diidani in la helo dawlad Somaaliyeed oo ku dhisan Cadaalad ee waxaan diidanahay dawlad loo adeegsado sidii dad Somaaliyeed logu dhibaatayn lahaa sidii horeyba u dhici jirtay, dawlada aan rabo waa mid ku dhisan isixtiraam, cadaalad iyo horumar taasna waxay leedahay wado loo maro shirka Jabuutina ma qaadin wadadaas, dadka ka danbeya shirka Jabuuti waa kooxo ku guul dareystay in ay goboladoda maamul u sameyaan, isla markaana ku fakiraya in ay Somaali oo dhan maamulaan, taasna waxaa tusaale kugu filan labo nin o hada uu taagan musharaxnimada madaxtinimada dalka waa C/qaasim iyo C/laahi Cadow in ay ilma adeeradoodna ay xamar ka degi la,adahay iyo meelo kaleba waa Caydiid iyo Caato oo weli qoryihii wata, marka kuwaas iyaga ah waxaa dhib ku noqotay Somaali kale oo ismaamushay oo degaankoodi xasilisay maamulna u sameystay, mida kale diidmada shirka iyo taageradiisa laguma qiimeyn karo shakhsiga Somaaliyeed ee waa in lagu qimeyaa waxa uu ku diidanyahay ama ku taagersanyahay maxaa yeelay waxaa jira kuwa shirka taagersan oo u taagersan oo kaliya sidii ay danahooda shakhsiydeed uga gaari lahayeen, isla kuwaas taagersan waxaa ka mid ah kuwa rumeysan in ay wax wanaagsan ka soo bixin karaan shirka balse waa laga badanyahay, dhanka kale waxaa jira kuwa shirka diidan oo u diidan oo kaliya danahooda gaar ahaaneed sida kuwa xamar ku harsan, isla kuwaas diidan waxaa ka mid ah kuwo u diidan oo rumeysan in sida wax uga socdaan Jabuuti in aysan sax ahayn dhibna keeni karto balse jecel dawlad Somaaliyeed oo cadaalad ku dhisan. Marka Somaalida wanaagsan shirkana waad ka helaysa oo waxay rabaan in ay gudha wax ka saxaan, banaankana waad ka helysa iyaga oo isleh waxaad wax ka sixi karta dibada sido kale kuwa xun xun ee dhibka wada shirkana wey jogaan dibadana wey jogaan.
Caasimad noqoshada Baydhabo waa mid go,aankeedu ay leyihiin dadweeynaha reer Baydhabo iyo maamulka RRA ee ka taliya degaanadaan.

BP: Waxaan jeclaan lahaa oo kale in aan ku weydiyo sida aad u maleyn kartid dawlada la rabo in la keeno Baydhabo in ay ku hirgeli karto?

Dr. Axmed: ima aadan weydiin sidaa aan u arko dawladaas la yiri waxaa la keenaya Baydhabo marka waxaan ka hadlayaa kaliya su'aashada oo la xiriirta oo kaliya malaha, run ahaanti dawladaas hadi ay taagero buuxdo ka hesho maamulka iyo dadweeynah gobolkan waxaa dhici karta in ay shaqo gasho, waase hadii lagu sharfo oo u martigaliyo maamulka RRA hadii kale waxaaba dhacaysa in aysan soo dhaafin Jabuuti.


Waxaa wareystay
Maxamed C/raxmaan

(BAYDHABO PRESS)


[ News]

Copyright 1999 by somaliawatch.org.  All Rights Reserved.  Revised:  19 May 2007 05:14 AM. Webmaster HomePage