19 May 2007 04:26

SOMALIA WATCH

 
SW News
  • Title: [SW News] (Baydhabo Press) War Saxaafadeedka Dr. Shaargaduud
  • Posted by/on:[AMJ][Sunday, August 20, 2000]

Dr. Xasan Maxamed Nuur [Shaargaduud] oo shir saxaafadeed ku qabtay xaruunta CARTA
by BAYDHABO PRESS

ARTA August 20, (BP)- Dr. Xasan Maxmed Nuur [Shaargaduud] guddomiyaha ururka RRA ahna hogaamiyaha ergadda qowmiyadda Digil iyo Mirifle ee ka qeybgalaysa shirka nabadeynta Somaaliyeed ee CARTA ayaa saakay shir loogu talo galay warbaahinta iyo saxaafada ku qabtay xaruunta uu ka dhacayey shirka xubnaha golaha baarlamaanka.

War saxaafadedkaa ayuu Dr. Xasan Maxamed Nuur [Shaargaduud] ku sheegay in shirka Somaalida haatan uga socda CARTA uu burburay ayna burburiyeen shirgudoonka Carta iyo kooxo kale oo dano gaar ah ka leh shirka rabina dawlad Somaaliyeed oo ku dhisanta dariiq sax ah iyo cadaalad. Hadaba sababaha soo socda awgeed waxaan aragnaa in shirkan uu ku socdo burbur:

1- In shirgudoonka iyo Dawlada Jabuuti aysan wax ka qaban talooyin badan oo ay ergadda Digil iyo Mirifle u gudbiyeen, wax jawaab ahna laga siin wax ka qabashada talooyinkaas.

2- In la magacaabay 20 xubnood oo dheraad ah oo lagu soo kor dhiyay xubnaha baarlamaanka, taas oo wax u dhintay isku dhelitirka xubnaha baarlamaanka.

3- In kooxo Somaaliyeed oo maamulka shirka gacanta ku haya ay weli ka muuqato cadaawd ay u qabaan qowmiyadda Digil iyo Mirifle isla markaana ay faraha ku hayaan guddiyo kala duwan oo ay ka mid yihiin guddiga xeer hoosaadka baarlamaanka.

Waxaa kale oo la soo sheegay in Dr. Xasan Maxamed Nur [Shaargaduud] uu maanta ka baxay shirkii golaha baarlamaanka uga socday magaalada CARTA ee dalka Jabuuti.

Hadaba arimahaan ay ka midka yihiin 20 ka xubnood ee uu Geelle qeybiyay ayaa dad badan ay horey uga digeen in ay shirka ku keeni karto burbur hadii aan wax laga qaban.

dhinaca kale shirka oo aan taagero ka haysan maamulada Puntland iyo Somaliland ayaa laga cabsi qabaa in aysan waxba ka socon hadii maamulka RRA uu kala noqdo kalsoonida taasoo ayaa la yiri keeni karta in dawlada Somaaliyeed ee lagu soo dhiso CARTA ay noqoto dawlad gobaled la mid ah maamulada kale ee ka jira Somaaliya.

Arinta colaadinta ee uu war saxaafadeedka maantay ku sheegay Dr. Xasan ayaa iyadana horey loo sii sheegay in kooxaha ay dawlada Jabuuti gacansaarka leyihiin ay ka shaqeynayaan sidii uu maamulka RRA uga bixi lahaa shirka, si ay markaas ugu fududaato gaarista qorshahooda ah qabashada Madaxtinimada dalka Somaaliya.


(BAYDHABO PRESS)


[ News]

Copyright 1999 by somaliawatch.org.  All Rights Reserved.  Revised:  19 May 2007 05:14 AM. Webmaster HomePage