19 May 2007 04:24

SOMALIA WATCH

 
SW News
  • Title: [SW News] (Baydhabo Press) Booqashada Baydhabo
  • Posted by/on:[AMJ][Friday, Sept. 1, 20000]

 
 
Xubnaha DAWLADA cusub ee ku meel gaarka oo maanta booqday magaalada BAYDHABO
by BAYDHABO PRESS

 

BAYDHABO Sep 1, (BP)-Waxaa maanta ka soo degay garoonka diyaaradaha ee magaalada BAYDHABO wafuud balaaran oo ay ka mid ahaayeen Md. Cabdiqaasim Salaad Xasan Madaxweynaha DAWLADA KMG ee Somaaliya yo Md. Dr. Xasan Maxamed Nur [Shaargaduud] iyo xubno kale oo ka tirsan golaha baarlamaanka ee dhawaanta lagu soo dhisay CARTA.

Wufudaas ayaa waxaa si diran u soo dhaweyay xubnaha maamulka RRA oo ay horkacayeen guddommiye ku xigeenka kowaad ee ururka RRA Md. Sheikh Aden Maxamed [Madoobe] iyo guddommiyaha gobolka Bay Md. Maxamed Cali Aden [Qalinle] iyo xubno kale oo ka tirsan guddiga fulinta ururka RRA iyo maamulka gobolka.

Waxaa wafidgu ay ka dib u gudbeen garoonka ciyaaraha ee magaalada BAYDHABO oo ay ku sugnaayen dadweeyne aad u tiro badnaa, waxaa halkaas khudbado ka jeediyay Md. Caabdiqaasim Salaad Xasan iyo Md. Dr. Xasan Maxamed Nur [Shaargaduud] iyada oo Md. Cabdiqaasim uu sheegay in magaalada BAYDHABO uu maamulkisu tixgelin gaar ah siin doono dib u dhisna lagu sameyn doono.

Mid ka mid ahaa dhageystayaasha khudabada Cabdiqaasim ayaa u sheegay wargeyska BAYDHABO PRESS in uu taas Cabdiqaasim ula jeedo xaalmarin iyo makdhaw maxaayelay ayuu yiri wuxuu ogyahay dhibkii ay reerihisu geeysteen una geeysteen dadweynaha reer BAYDHABO iyo degaankooda wuuna ku mahadsanyhay hadii uu ka run sheego balanqaadkaas iyo garashada uu gartay dhibkii nalo geeystay.


(BAYDHABO PRESS)

__________________________________________________________________________________________________________

http://www.somaliainter.com/

 
Magaalada Baydhabo oo soo dhaweysay Madaxweynaha cusub  Soomaaliya 

Baydhabo, 01 Sep 2000 - Magaalada Baydhabo maanta waxaa tagey wafti uu hogaaminayo madaxweynaha KMG Soomaaliya Dr Cabdiqaasim Salaad Xasan.

Dad badan oo lagu qiyaasay kumayaal ayaa isugu soo baxay wadooyin magaaladaas iyagoo si weyn u taageeray dowladda lagu dhisay shirkii nabadeynta Carta, Jabuuti.

Dr Cabdiqaasim wuxuu tacsi iyo raali galin ballaaran u diray dadka dega degaan Bay iyo Bakool oo silic iyo darxumo weyn kala kulmay dagaalka sokeeyey iyo abaaro ka dhacay dhulkaa sagaalki sanno ee burburka Soomaaliya.

Isla maanta ayuu u dhoofay si kadiso ah xarunta Jabuuti. Waxaana qorshaha ugu jirtay inuu tago magaalada dekadda leh ee Kismaayo oo ay haystaan isbahaysi ka soo horjeeda hogaamiye kooxeedka Gen Maxamed Saciid Morgan.

Dhanka kale Maraykan ayaa si weyn u soo dhoweeyey natiijooyinkii ka soo baxay shirkii Carta iyo dhisamaha barlamaanka iyo doorashada madaxweynaha cusub.

Sidoo kale wasiirka dibadda ee Kiinya Mr Bonaya Godana ayaa ka sheegay Nairobi in dowladda Kiinaya taageersan tahay dowaldda lagu dhisay shirkii Carta. Wuxuuna ugu baaqay soomaalidu inay gacan ka geysato nabadeynta dalkooda.

 


[ News]

Copyright 1999 by somaliawatch.org.  All Rights Reserved.  Revised:  19 May 2007 05:11 AM. Webmaster HomePage