19 May 2007 04:24

SOMALIA WATCH

 
SW News
  • Title: [SW News] (Xiddigta Benadir) General Jilacow of Godka 
  • Posted by/on:[AMJ][Saturday, Sept. 2, 2000]

 
 

Jan. Jilacow: 

Jan. Axmed Jilacow Caddow oo ka mida saraakiisha ka qeybga-shay shirka Jabuuti ee ka mid ahayd guddigii loo saaray dhismaha ciida-mada ee shirka Jabuuti hadana ka mida guddiga Madaxweyne C/-qaa-sim u magacaabay nabadgelyada Qaranka ayaa shaaca ka qaaday in shirka Jabuuti uu ku dhacay jawi wanaagsan, inkastoo uu ahaa shir aad u adag.

“Dowladdu dalka oo dhan ayay dowlad u tahay, Boosaaso iyo Hargeysana waa tegi kartaa, dalkana kama jirto meel Viso loo qaato, wa-xa wax diidan waa shaqsiyaad wafd-iyo badan ayaana dhulkaas ka yim-id” ayuu yiri Jan. Jilacow oo la wey-diiyay in dowladda Dr. C/qaasim ay tahay mid K/Soomaaliya ay leedah-ay maadaama maamulo xoog leh ay ka jiraan Somaliland iyo Puntland oo dowladdu ka howlgeli karin.

Jan. Jilacow waxa uu sheeg-ay in qaab waanwaan iyo wadahada-lna lagula dhaqmayo kuwa ka soo horjeeda shirka Jabuuti ujeedada maamulka cusubna aysan ahayn in dagaal wax lagu doono, “Dabcan waa la is difaacayaa haddii lagu soo weeraro” ayuuna yiri.

Janaraalka oo la weydiiyay in maamulka cusubi uu wax ciidan ah hadda heysto, waxa uu sheegay in ciidamadii tirada badnaa ee soo dho-weeyay ay xoog u yihiin shacabka oo dhanna uu difaacayo dowladda.

“Hadaladaas waa boroboga-ando dadkuna xaq ayay u wada leey-ihiin maamulka dalkooda, dadka la doortay waa waaya arag maamul soo maray oo ka soo shaqeeyay hay’ada-ha dalka, hadda qofkii aan waaya ar-agnimadaas lahayn waa qasab inuu eed sheegto” ayuu yiri Jan. Jilacow oo ka jawaabayay in maamulka cus-ub ay u badan yihiin haraagii Siyaad Barre, “Anagu si KMG ah ayaan ho-wsha u wadnaa, ka soo qaad aniga waan duqoobay inaan nasto ayaan jeclaan lahaa, cid waaya aragnimada aan leeyahay leh oo howsha aan u dhiibo haddii aan helayo waan soo dhoweyn lahaa” ayuu yiri Jan. Axm-ed Jilacow.

Sidee u aragtaa doorashadii Madaxweynaha iyo tii Guddoomiya-ha Baarlamaanka, waxaa jira warar sheegaya in xeer jajab iyo heshiis hoose ku dhaceen? Oo la weydiiyay waxa uu uga jawaabay “Wallaahi ta-rtanku waa cadaa, caalamka oo dhan ayaana eegayay oo qiray inuu si xor ah u dhacay balse wixii naga qarso-on oo mara hoosteed ku jiray anigu ma ogi”.

Janaraalka oo aynu weydiin-ay sababta keentay inay hal musha-rax ku midoobi waayaan beelaha Muddulood jagadii Madaxweynaha, waxa uu sheegay inay taasi ugu wac-neyd isu tanaasul la’aan, “Markii ho-re waxaa halkan laga tegay iyadoo aan muwaafaqo la ahayn waana la ogaa inaan guul laga keeneyn” ayu-una yiri.

Su’aal ahayd yaa iska leh oo aad saareysaa guul darrada beesha ka soo gaartay inay jagada Madax-weynaha hesho, waxa uu ka yiri “Eeda waxaan saarayaa muwaafaqo darrada halkan lagala tegay, waxaan xasuustaa beelo badan oo mar kasta lagu soo laab-laabanayay oo lagu guubaabinayay inay midoobaan mu-sharaxiinta beesha Muddulood si ay codkooda u siiyaan haddii Boqoradii ay isku dayeen inay xaliyaan oo ani-gu aan ka mid ahaa raggii arrintaas ku jiray xal waa loo waayay natiijad-una waxay noqotay sida dhacday”.

Jan. Axmed Jilacow oo ka hadlayay inta ay ku qaadan karto dhismaha ciidamo Soomaaliyeed oo xoog leh waxa uu sheegay inay fud-udahay, wuxuuna caddeeyay inaan loo baahneyn ciidamo shisheeye.

Dhinaca kale wuxuu sheegay Janaraalka inaysan magaalada Bay-dhaba noqoneyn caasimad arrintaa-sna ay ahayd soo jeedin oo kaliya oo laga gudbay meelna la iska dhigay.

Guddi loo magac…

Muqdisho: [Xiddigta Banaadir]

Guddi ka kooban saraakiil sare ayaa loo magacaabay dib u dh-iska ciidamada dalka qeybahoo-da kala duwan, guddigaas oo ah kii ugu horeeyay ee uu sameeyo Madaxwe-ynaha KMG ah ee cusub Dr. C/qaa-sim Salaad Xasan waxaa la magac-aabay shalay kahor intii uusan ka anba bixin Muqdisho.

   Guddiga waxaa ka mida Jan. Ma-x’ed Nuur Galaal, Jan. Axmed Jila-cow Caddow, Jan. Cali Ismaaciil, Jan. Cusmaan Sh. Axmed, Jan. Max-’ud Kaahiye Barre iyo xubno kale.

Jan. Axmed Jilacow oo ka mida guddiga ayaa wargeyskan u sheegay in howsha guddigu ay bila-abatay isla markaana ay ujeedadoo-du tahay diyaarinta qaabkii dib loo-gu unki lahaa ciidamada, isagoo she-egay inaysan wax la’aan ahayn mar la weydiiyay inay heystaan dhaqaal-ihii ay arrintaas ku fulin lahaayeen.

______________________________________________________________________________________________


dhambaal CABASHO AH OO ku socda madaxweynaha KMG. ee cusub


Beelaha Jidle iyo Dagood-iye oo ka mida Beelaha Sooma-aliyeed ayaa Qoraal cabasho ah u diray madaxweynaha cusub ee Soomaaliya Dr. C/qaasim Salaad Xasan, iyo Madaxweynaha Jabuuti Ismaaciil Cumar Geelle iyo dham-aan duubabka Nabadda ee Beelaha Soomaaliyeed kana qeybgalay shi-rkii Carta.

Qoraalkaas waxa uu u qornaa sidan:

Waxaan mahadnaq u jeedinaynaa Madaxweynaha Dalka Jabuuti Ismaaciil Cumar Geelle iyo dowladiisa sidoo kale waxaan mahad u celinaynaa shacabka reer Jabuuti inagoo uga mahadnaqeyna sidii xilkasnimada iyo geesinimada lahayd  ee ay ugu gurmadeen  waalaalahood Soomaaliyeed sidii ay uga taakuleyn lahaayeen ka bixida dhibaatada ku habsatay mudada tobanka sano ah iyo dib u soo celintii qarankii burburay.

Sidoo kale waxaa mahad-naq mudan dhammaan  ergooyinka metelaya beelaha Soomaaliyeed ee ka qeyb qaatay dib u dhiskii qaranka Soomaaliyeed.

Intaa kadib waxaan nahay Ugaasyada, Aqoonyahano, Siyaa-siyiin, Culumaa’udiin, dhalinyaro iyo haween ka tirsan beelaha JIDLE oo ku nool wadanka gudih-iisa Itoobiya , NFD wadamada Carabta, Yurub, America iyo Kanada. Waxaan aad uga xunnahay sidii loo qeybiyay xubnaha Baarl-amaanka oo aan ku saleysneyn si cadaalad ah, sababtoo ah waa wax lagu qeybsaday beelo inta halkaas ku kulantay iyo inta maqanba mana jirto cid aan xubinteeda la siin.

Haddaba waxaa la yaab leh in beeklaha JIDLE iyo DAG-OODIYE aan waxba la siin, waxaa isweydiin leh beelahaas miyeysan ahayn dad Soomaaliyeed  oo xaq u leh inay xubintooda qaataan?.

Haddaba taasi waxaan uaragnay cadaalad xumadii wadanka burburisay oo umadda Soomaaliyeed halkaasi dhigtay. Waxaan is lahayn waaya aragnimadii laga dhaxlay dhibaatadii iyo burburkii ku dhacay umadda Soomaaliyeed oo ay keeneen dagaaladii sokeeye waa laga waantoobi doonaa oo dib uma dhici doonto cadaalad xumo danbe, laakiin arrinta ku dhacday labadaa beelood JIDLE IYO DAGOODIYE waa cadaalad xumo tii ugu darneyd oo umad laga galo, maxaa yeelay iyagoo gogoshii magaaladii Carta fadhiya ayaa hortooda xubnihii lagu qeybsaday iyagiina lagu qadiyay oo wax la’aan la dhigay.

Arrintan waxay na tusisay in si gaar ah loo qadariyay oo xubno badan la siiyay dadkii qeybta weyn ka qaatay dagaaladii sokeeye, haddii guddigii xubnaha Baarlamaanka qeybiyay sidaa cadaalad darada ah wax u qeybiy-een ma arki waayay madax-weynaha Jabuuti beelahaas dulman isagoo murtidiisu mar kasta ahayd “Beelaha Soomaaliyeed dhammaan way u dhan yihiin dowladda la dhisi doono”, hadddaba miyeysan labadaas beelood Soomaalida ka mid ahayn?!!

Waxaan u jeedinaynaa madaxweynaha Ku meelgaarka ah C/qaasim Salaad Xasan inuu arintan wax ka qabto maadaama uu sheegay in dowladiisu tahay tii dadka dulman iyo kuwa taagta daran u adeegaysay ee aysan ahayn Dowladii Ninkii xoog leh ayaa Xabagta goosta.

Waxaan kaloo beelaha Hawiye gaar ahaan beelaha gugun-dhabe u soo jeedinaynaa in arri-ntaas dhacday ay dib uga fiirsadaan taasoo taariikh dheer reebi doonta.

Dadka dhambaalkan qoray ee ku saxiixnaa waxaa ka mida

Prof. Maxamed Ibraahim Faarax [Biriq], Dr. Axmed Cumar Maxamud [Axmed Qal], Dr, C/ladhiif Sh. C/laahi, Sheekh Maxamud Xaaji Cali, C/rashiid Bashiir [Ardon], Axmed Nuur C/laahi Dheen, Sheekh Cumar Cali [Faaruuq], G/sare Axmed Sheekh C/laahi Dr. C/naasir Bille Maxamed, C/fatax Axmed Muumin, C/qaadir Xuseen Xasan [Carabey], Cabdi Irad Jirow, Maxmud Bille Maxamed, Shukri Maxamed Xuseen, C/qaadir Maxamed Faarax, G/sare Maxamed Cilmi Faarax, Saynab Xuseen Xasan,  Maxmed Ismaaciil Cali, Nuur Cali Aadan, C/casiis Axmed Aadan, Barre Cali Shamura,  Axmed Mad yare, Maxamed Cali Aadan, Cabbaas Macallin Xaaji, Maxamed Cali Aadan [Taxi], Maxmed Cabdi Xasan,  Cabdi Axmed Jirow, C/qaadir Axmed Muumin, C/qaadir Maxamed Cusmaan, Ibraahim Xuseen Xasan C/kariim Maxmed Cabdi, Faarax Axmed Muumin, C/qaadir Carab Uleex, Dheera Cabdi Xaruun, Maxamed C/qaadir Axmed C/naasir Xersi Takhal, Maxamed Cabdi Ugaas, Inj. Maxamud Nuur Diiriye, Muuse C/samad Ugaas, Cali Xasan Diiriye, C/naasir Maxmed Cabdi [xadde], Maxamed Bille Maxamed, C/qaa

 


[ News]

Copyright © 1999 by somaliawatch.org.  All Rights Reserved.  Revised:  19 May 2007 05:11 AM. Webmaster HomePage