Warsidaha Puntland

Tirsi 63

25 Sept 2000

Garowe – Puntland

Waxaa soo saara 2 jeer usbuucii

Wasaaradda Warfaafinta ee Puntland

---

•     MADAXWEYNAHA DAWLAD GOBOLEEDKA PUNTLAND OO ISKU SHAAN DHEEYAY GOLAHA WASIIRADA BOGGA 2AAD

• MADAXWEYNAHA DAWLAD GOBOLEEDKA PUNTLAND OO BOOQANAAYA GAALKACAYO BOGGA 2AAD

•   MADAXWEYNE KU XIGEENKA DAWLAD GOBOLEEDKA PUTLAND OO BOOQASHO RASMI AH KU TEGI DOONA DALKA THAILAND BOGGA 8AAD

• WASIIRKA ARRIMAHA GUDAHA OO FURAY XARUN  URUR HAWEEN OO CUSUB BOGGA 3AAD

•   INA SALAAD-BOOY OO KA GAABSADAY ARINTA ARIGA SUCUUDIGA BOGGA 3AAD

•   GARAAD ABSHIR CIILKA CIIL KALE AYAA U DHEER BOGGA 3AAD

•   MADAXWEYNAHA DGPL OO TACSI U DIRAY QOYSKII IYO EHELADII UU KA GEERIYOODEY AF-BALAAR BOGGA 8AAD

•       KULANKII RAADIYOW GAALKACAYO 3AAD.

•   SHIR AY WADA YEESHEEN XILDHIBAANADA GOBOLKA NUGAAL IYO WAXGARADKA BOGGA 7AAD

• GUDDOOMIYAHA GOBOLKA NUGAAL OO KA QAYBGALAY SHIR LAGU QABTAY ISBITAALKA GAROOWE  BOGGA 7AAD

•   SHIR LAGA HADLAAYEY MASHAARIICDA HORUMARINTA DAWLAD GOBOLEED PUNTLAND BOGGA 7AAD

•   CUNUGA CARTA IYO SOOMAALIDA BOGGA 5AAD

• TAAYADA (EDITORIAL) BOGGA 6AAD 

• AFKEENU WAA ISU AMMAAN BOGGA 6AAD.

•  TAARIIKH NOLOLEEDKII:- (AF-BALAAR) BOGGA 3AAD.

• TACSI BOGGA 4AAD

---

 

MADAXWEYNAHA DGPL OO ISKU SHAANDHEEYEY GOLIHII WASIIRADA

Sida uu fax nagu soo gaarsiiyay weriyahayaga noo jooga Magaalada Gaalkacyo Bashiir A. Jaamac, Madaxweynaha DGPL Md. C/laahi Yuusuf Axmed oo jooga magaalada Gaalkacyo tan iyo ka soo noqoshadiisii Dalka Kenya oo uu ku tagay Arrimo caafimaad, ayaa soo saaray wareegto uu isku shaandhaynayo Golaha wasiirada ee DGPL 21/09/00, wareegtaduna waxay u qornayd sidan:- 

Madaxweynaha Puntland markii uu arkay Axdiga ku meel gaarka ah ee Dawladda Puntland, markuu la tashaday Madaxweyne ku xigeenka Dawladda, markii uu arkay baaqyadii qoraaladii ka soo baxay shirweynihii lagu dhisay Dawladda Puntland, markii uu tixgeliyay duruufaha siyaasadeed ee Soomaaliya maanta guud ahaan iyo tan Puntland gaar ahaan. Wuxuu u magacaabay:-

 1.         Md. Cabdi C/lle Siciid Wasiirka Hawlaha Guud iyo Gaadiidka.

2.         Md. Max'ed Xaaji Aadan  Wasiirka Xanaanada Xoolaha Beeraha iyo Deegaanka.

3.         Md. Yaasiin Faarax Cartan Wasiirka Caddaaladda iyo Arr. Diinta.

4.         Md. Max'ed Xassan Nuur  Wasiirka Iskaashiga Caalamiga ah iyo Qorsheynta.

5.         Md. Axmed Max'ed Cigaal Wasiir ku xigeenka Wasaaradda Maaliyadda.

6.         Md. Max'ud Caynab Max'ed Agaasimaha Guud ee Wasaaradda Iskaashiga Caalamiga ah iyo Qorsheynta.

 ]      Isla xeerkaan Madaxweyne waxaa lagu baabi'iyay Wasaaraddii Warfaafinta Dh. & Isgaarsiinta, taas oo haatan noqotay Agaasin Guud oo madaxbannaan oo madaxtooyada hoos imaanaya.

]      Waxaa la dhisay Wasaaradda Iskaashiga Caalamiga ah & Qorsheynta.

]      waxaa la kala saarayBangiga iyo Qorsheynta. 

Waxaana Wareegtadaasi ku Saxiixnaa Madaxwey-naha Dawladda Puntland Md. C/laahi Yuusuf Axmed. 

Sida wareegtada Madaxweynaha ka muuqata waxaa xilalkoodii waayey

 1.      Wasiirka Hawlaha Guud iyo Gaadiidka, Md C/qaadir Aw-Yuusuf.

2.      Wasiirkii Warfaafinta Dh, iyo Isgaarsiinta Md  Cawad Axmed Casharo.

3.       Wasiirka Cadaalada iyo Arrimaha Diinta Sh.Cali-Nuur Axmed Aw-Muuse.

MADAXWEYNAHA DGPL OO BOOQANAYA GAALKACYO.

Madaxweynaha DGPL Md. C/laahi Yuusuf oo kormeer hawleed u jooga Magaalada Gaalkacayo tan iyo intii uu ka soo noqday Dalka Kenya ayaa booqasho hawleed ku maraya Xarumaha Dawladda iyo kuwa bulshadaba ee Magaalada Gaalkacayo, waxuuna kulama kala gooni gooni ah la yeeshey mas'uuliyiinta iyo wax garadka gobolka Mudug, Mas'uuliyiinta iyo wax garadka USC-SNA ee gobolka Mudug, ururka haweenka ee gobolka Mudug iyo Odayada iyo Ganacsatada Gobolka Mudug. 

Madaxweynuhu wuxuu uga warra-may dhammaan mas'uuliyiintaas marxaladda uu haatan dalku ku sugan yahay, gaar ahaan dhinaca Siyaasadda dhawaan ka soo kordhay shirkii dhawaan lagu qabtay Tuulada Carta ee dalka Jabuuti, kaasoo uu ku sheegay inuu yahay shirqool Soomalida lagu dagayo. 

Waxa kale oo uu  madaxeweynuhu sheegay in uu dhammaan dalka oo dhan mari doono ayna qaadi doonaan tallaabo kasta oo looga hor tagayo dhagarta kooxaha ismagacaabay, kulamadaasna dhammaantood waxay ahaayeen kuwo najaxay. 

Madaxweynuhu wuxuu ilaa iyo hadda booqday Goobo badan oo ay ka mid yihiin Xarumaha Waxbarashada sida Dugsiga Ummadda Dugsiga hoos dhexe ee C/laahi Binu Cabaas, xaruunta ciidanka Daraawiishta, xaruunta maamulka gobolka Mudug iyo goobo kale. 

Madaxweynaha goob kasta oo uu tago waxaa warbixino ku siinayey maamulka iyo mas'uuliyiinta goobahaasi waxana ka waramayeen waxqabad kooda iyo baahiyaha ka jira goobahaasi iyo heerar kii kala duwanaa ee ay soo mareen.

 

 

    WAX QABADKII WASAARADDA KALUUMEYSIGA DAKADAHA IYO GAADIIDKA BADDA.

 

  Wasaaradani wax ka kooban tahay labo qeybood oo kala ah:-

 1. Qaybta Dekeddaha iyo Gaadiidka Badda

2.   Qaybta Kalluumaysiga.

Qaybta Dekeddaha iyo Gaadiidka Baddaha

 Qaybta dekeddah waxaa laga qabtay hawlo maadi ah iyo kuwo macnawi ah.

Maadiga 

Dayactirka fudud ee ay wasaaraddu qabatay

 

SN	Nooca Shaqadda	Lacagya US$
1	Laba alabaab ee gelidda iyo bixidda iridda dekedda	4,320
2	Bedelaada siliga deyrka dekedda	4,100
3	Dayactirka xafiiska iridda ee Booliiska	600
4	Bedelaada Dhamaan nalalka nabadgelyadda dekeda	2.700
5	Lacagta dayactirka iyo shaqadda gacanta ee matoorka	2,150
6	Soo gadida hal baabuur	6,300
7	Qalabaynta gurig Degaanka	900
8	Qalabaynta xafiis	180
9	Tabeelaha Magaca Wasaaradda	250
10	Labo albaab oo bira	160
	Isugeyta Kharashka	21,660

 

Qaybta Dayactirka Culus.

SN	Nooca (Description)	US$
1	Dredging	200,000
2	Warehouse	224,000
3	Port Pluvial Drainage Channel	8,860
4	Quay head steel angle plate	5,000
5	Electrified and rebuilding of seaport admin-building	11,225
6	Navigation Aid
7	Handle Equipment
8	Fire-fighting Equipment
9	First Aid Post and ETC

 

Waxaa dhamaan naqshadayn iyo qiimayn lagu sameeyey dayactirka culus oo aysan wasaaraddu dhaqaale ahaan iyo farsamo ahaan midna wax uga qaban Karin, waxaana ka mid ah:

 

Naqshadaynta iyo qiimaynta kharash badan ayaa ku baxay waxaana bixisay hay'adda UNCTAD

 

Dekhligii soo xereysay Wasaaraddu Qaybteeda Dekeddaha. 

Maamulka WKD/GB waxaan gacanta ku hayey muddo 10 bilood ah waxaana la sameeyey qaab maamuleed hagaagsan oo la xiriirta habka dekhli xareynta waana sida: 

Sanadkii 1999 Aug-to Dec.                299,274 US$

Sanadkii 2000, Jan-May, 342,944 US$ Aug-Dec. 99 upto Jan-May 2000 calcelis ahaan     642,22 US$

 

Taageeradda Maadiga  

Wasaaraddu waxay heshay taageero maadi ah waxaana ka mid ah: 

1.                   Taageero lacageed oo dhan US$ 800,000 (Sideed Boqol oo kun oo Doolar ah) oo ay kala bixiyeen dawladda Talyaaniga oo bixisay US$ 500,000 (Shanboqol oo kun) iyo hay'adda USAID oo bixisay US$300,000 (Sadex Boqol oo kun oo doolar), lacagtaas oo wax looga qabanayo 9ka mashruuc ee naqshadda iyo qiimaynta lagu sameeyey ee dekedda Boosaso. Dawladda Puntland waxay uga qaybgashay mashaariicdaas US$ 50,000 (Konton kun oo doolar), waxaa kaloo caawimo loo helay qalab kala duwan ee xafiisyadda Wasaaradda iyo Dugsiga tababarka dekedda oo qiimahoodu dhan yahay US$ 34,000 (Sodon iyo afar kun oo doolar) waxaa kaloo ka mid ah taageeradda maddiga kharashka dugsiga dekedda oo bishii gaaraya 30,000 (Sodon kun oo doolar).

 Dhinaca macnawiga Qaybta Dekedda 

1.                  Waxaa gacanta lagu hayaa dugsiga xarunta tababarka dekedda oo ay wax ku bartaan 150 arday oo kuwii ugu horeeyey shahaado 4 sano ah ka qaateen kana kooban shaqaalha dekeddan iyo bulshadda dugsigaas oo laga barto maadooyinka maamulka iyo maaraynta sida: Management Priinciples,Financial Accounting 1, Cost Accounting, Management Accounting , Business Mathematics and Statistics, Basic Economics and Business Law, Dugsiga waxaa kaloo lagu kordhiyey qayb kumbuyuutar oo labilaabi doono bisha September ee sanadkan 2000, waxaa kaloo u qorshaysan in lagu kordhiyo qaybaha farsamadda ee alwaxdda, biraha iyo korontadda, 

Siminaarka Shaqaalah

 

SN	Cida la tababary	Nooca tababarak/ Aqoon isweydaarsiga ( Workshop)
1	Qaybta Dekedda	Habka maamul ee diyaarinta xisaab
2	Madax sare iyo madaxa dhexe oo ka socda Was. Kall iyo Was. Maaliyadda	Doorka ay mdaxdu ka qaadan karaan Tayadda iyo wax soo saarka shaqadda
3	Tiriyeyaasha Dekeda	Habka loo tiriyo Badeecad Exp & Import
4	Madaxa Tirakoobka	Habka loo soo ururiyo loogu abtiriyo loona soo bandhigo warbixinta tira koobka ee ah bilaha, sadexbiloodlaha iyo Sanadlaha
5	Shaqaalaha Qaybta Hawlgalka	Hawlgalka Markabka
6	Madax qaybeedyo iyo macalimiinta iskuulka Dekedda	Tababarka Tababarayaasha
7	Kormeeraha Matoorka iyo korontayqaanadda Dekedda	Asaaska hoose ee sida loo dayactiro korontadda iyo habka korontadda loo qaybiyo

 La soco Tirsiga Dambe 

 

INA SALAAD-BOOY OO KA GAABSADAY ARRINTA ARIGA SUCUUDIGU XAYIRAY

 BURCO 21/9/2000

Nin ka mid ah xubnaha wefdiga la wareegaya C/qaasim Salaad-Booy, horena u ahaan jiray Qunsul nidaamkii Maxamed Siyaad Barre, una dhashay Gobolkaas Tog-dheer, ayaa sida la soo sheegay (Burco Isgaarsiinta Gobolada) ayaa Xoolo-dhoofiyayaal reer Burco ahi, Telephone ku weydiiyeen:- in Wefdigoodu Dawladda Sucuudiga kala hadlay arrinta ariga Sucuudiga xayiray iyo in kale? 

GARAAD ABSHIR CIILKA CIIL KALE AYAA U DHEER 

Garaad Abshir Saalax Maxamed, nidaamka Maxamed Ibrahim Cigaal ayaa dhowaan ku xiray magaalada Berbera… 

Garaad Abshir waxaa u doodayey labo garyaqaan…mid isaga ayaa qabsaday…wuxuuna noqday garyaqaan jilicsan (Sida la soo sheegay)… mid kale dawladda Somaliland ayaa u qabatay…Garaad Abshir oo laftiisu garyaqaan ahi, isaga ayaa hagayey labada garyaqaan  ee daafacayay una tilmaamayay marinnada sharciga…sida la soo sheegay labada garyaqaan midkood ayaa Guddoomiyaha Gobolka Saaxil (Berbera), Xasan Garweyne, wada tashi jooto ah oo hoos-hoos ah la yeelanay marka uu ka guddoomo is-aragga Garaad Abshir. 

Waxaa kale oo la soo sheegay in Caaqil Las-canod uga tegey taageerada Garaad Abshir, uu Maxkamadda ka jeediyay hadallo aad u kulkulul isagoo garsoorihii ku yiri:- Garaad Abshir ma aha Somaliland, idinmana hoos -yimaaddo, mana qabsan-kartaan, mana xirankartaan, dadkayana ma xirxiran-kartaan…

 Waxaa la sheegayaa, Garsooraha oo hadalkaas aad uga xanaaqay, inuu ku sigtay inuu xukunka markiiba ku dhawaaqo… 

Reer Las-canod, markay warkaas maqleen waxay ku maahmaaheen:- 

]                Baadida ninbaa kula daydeyi Daalnna kaa badane.

]                Oo aan doonahayn inaad heshana daa'im abidkaaye.

 

KULANKII RAADIYOW GAALKACAYO.

Kadib Madaxweynuhu wuxuu booqshadiisii ku gabagabeeyay Idaacadda Raadiyow Gaalkacyo, waxaana si diiran ugu soo dhoweeyay Maamulka iyo Shaqaalaha Raadiyow Gaalkacayo, waxaan halkaa warbixin ku saabsan ka jeediyay Wasiir ku xigeenka Wasaaradda Warfaafinta  Mudane Jacfar Cilmi Faarax, waxa uu wabixin kooban ka bixiyay faa'iidada ayidaacaddu u leedahay Bulshada Soomaaliyeed iyo sidii looga baahan yahay in kor loo qaado, ka dib  

waxaa warbxin kooban oo ku saabsan xaaladda iyomar xaladihii kala duwanaa oo ay Idaacadu soo martay. Agaasimaha Idaacadda Raadiyow Gaalkacoyo Md Burhaan Maxamed Cabdi wuxuu kaloo ka hadlay baahida Idaacadu u baahan tahay oo haatan taagan loona baahan yahay in wax laga qabto wuxuu Agaasimuhu cadeeyay. 

TAARIIKHDII XILDHIBAAN MAX'UD JAAMAC AF-BALLAR. 

Xildhibaan Max'ud Jaamac Afballar Allaha u naxariistee waxa uu ku dhashay  Magaalada Qardho oo ka tirsan Gobolka Bari sannadkii 1938^dii 

Sanadkii 1955 - 1956 waxuu ka mid noqday horseedayaashii ururkii SYL 1960 - 1965 waxuu dalka talyaaniga ku soo qaatay waxbarasho heer jaamacadeed ah taasoo uu ku bartay cilmiga siyaasadda 1970 - 1973  waxuu noqday maareeyaha warshadda caanaha ee magaalada Muqdisho, 1973 - 1976 waxuu  ku jiray xabsiga lixdan jiraw isagoo lagu xukumay muddo sadex sanadood ah, 1994 waxuu noqday guddoomiye ku xigeenka Ururka SSDF. 

Xildhibaan Maxamuud Jamac Afbalaar 1998 waxuu ka mid noqday ergadii gobolka bari uga qayb gashay shirkii dhismihii Dawlad Goboleedka Puntland, wuxuna kaalin firfircoon ka qaatay dhismihii DGPL, waxuuna ka mid  

noqday Mudanayaasha golaha baarlamaanka Puntland.  

 

WASIIRKA ARRIMAHA GUDAHA OO FURAY XARUN URUR HAWEEN OO CUSUB 

Wasiirka Arrimaha Gudaha iyo Amniga Md C/qaadir Islaan Maxamed ayaa  golabnimadii khamiista xariga ka jaray xarun urur haween cusub oo ay leeyihiin ururka haweenka isutaga walaalaha Soomaaliyeed ee Gobolka Mudug. 

Wasiirka waxaa xafladaas ku wehliyey   iyo Agaasimayaal, Guddoomiyaha Gobolka Mudug iyo Degmada Gaalkacayo iyo Mus'uuliyiin kale oo ka tirsan laamaha Dawladda. 

Xafladaasi oo ay ugu horayntii hadal kooban ka jeedisay Guddoomiyaha Ururka Haweenkaasi Marwo Canab Xasan Jaamac waxayna sheegtay in muddo dheer oo hal sano ku dhow laga soo shaqaynayey sidii urur kaan loo taaba gelin lahaa, isla markaana loo midayn lahaa Haweenka Gobolka Mudug. 

Marwo Canab waxa ay sheegtay in gabdhaha Gobolka Mudug muddo dheer ay ku mushquulsanaayeen sidii loo midayn lahaa Haweenka Gobolka Mudug, hadalkaasi ka dib ayaa Wasiirka Arrimaha Gudaha iyo Amniga Md C/qaadir Islaan Maxamed waxa uu ka jeediyey hadalo ku saabsan xafladaasi iyo in ay haboontahay in haweenku midoobaan, waxna u la qabsadaan mushtamaca intiisaa kale loogana baahan yahay in ay nabadgelyada ka shaqeeyaan oo aysan gacantooda ka bixin, waxa uuna ugu dambayntii ka codsaday in ay la shaqeeyaan maamulka Gobolka Mudug, kan Degmada iyo guud ahaan kan Puntland-ba.  

Sidoo kale Guddoomiyaha Gobolka Mudug ayaa isna waxa uu sheegay in Maamulka Gobolka Mudug uu gacan ku siiyey haweenku sidii ay haweenku u midoobi lahaayeen isla markaana ay uga wada shaqayn lahaayeen nabadgelyada. 

Cali Diiriye Aloore oo ah nabadoon ka tirsan nabadoonada Gobolka Mudug ayaa waxa uu sheegay in haweenka ay nabadgelyada lafdhabar u yihiin, laga maarmaan ay tahay in gacan la siiyo. 

CUNUGA CARTA IYO SOOMAALIDA

QAYBTII 3AAD

WAXAA QORAY  (Prof. Maxamuud Ismaaciil C/raxmaan)

Cunuga Carta iyo Soomaalida Qaybtii 3aad.

 

Wadaad soomaali ah ayaa dhawaaqa (Muslim hal god) 

Lagama qaniino labo jeer, annagu ka tala qaadan meyno kuwi dalkayaga u sababay burburka, colaad laysku xasuuqay, bililiqo iyo dawlad la'aanta, carruurtayada ayaanu u la'anahay nafaqa daawo, barbaarin iyo waxbarasho oo ka wel-weleynaa sidii aanu ugu heli lahayn, mana qaadi karno mas'uuliyad Cunug Ajnabi ah, sabab dhaqaale ma aha cudur daarashadu, Diinta iyo qowmiyadda ayaan noo oggolayn. 

Butuc, wuxuu istusay Somalida in uu ku eedeeyo in aaney dhaqan gelinaynmabadida qaramada midoobey, Jinsi kala sooc, iyo ku xad gudub xuquuqul insaanka, isaga iyo wardheere, waxay diyaariyeen qoraalo ku socda masuuliyiinta Qaramada midoobey, Urura Goboleedyada midowga Afrika, Jaamacadda Carabta, IGAD, waxay weydiisteen in Cunuga Carta loo aqoonsado Cunug Soomaaliyeed, waxaana loogu jawaabey Axdiyada Qaramada Midoobey iyo ururada kaleba ma dhigayaan in ay Jinsiyad bixin karaan, Jinsiyad siinta Cunuga Carta waa arrin soomaali u taal, cidina kuma faragelin karto,horena Soomaalidu, waxay ka digeen in  

arrimaha gaarka u ah ee gudohooda cidina soo fara gelin. 

Isla markaas soomaalidu waa dad qab weyn oo leh dhaqan asal ahiyo wacyi, kana mida shucubta Ilbaxnimada aadamiga safka hore ka jirta ee iyaga qanciya Butuc wuxuu isku deyey in uu soomaalda isaga io wardheere qanciyaan:- Hase ahaatee soomaali aqoon yahan ah oo dhallinyar ayaa ku dhahay: Bini aadamka waxa Eebbe siiyey, waxa ugu qaalisan caqliga uu wax ku garto iyo maskaxda uu ku fekero, mana oggolin haddi aanu nahay Soomaali in qola kale noo fekerto, maskaxdayadu hawl gab maaha. 

Butuc, Wardheere iyo Wakiilo maxaysato, Shir wada tashi ayey isugu yimaadeen, Hadalka inoo bilow aabe ayaa wardheere ku dhahay  Butuc; xagga shareecada ma aadi karno, soomaalidu, waxay leeyihiin culimo ku xeel dheer diinta ee qaynuunka aan la tiigsano soomaalida ayaa Butuc dhahay, inoo doona qareen mush kiladda hor geeya oo ka dooda maxkamadda ku shaqo leh horteeda. 

Wardheere, wuxuu diray Faax-yo, Telefono uu kula xiriiray qareeno Soomaali ah oo fara badan, wuxuuna weydiistey in ay xuquuqda cunuga carta ee dhalashada Soomaaliyeed Daafacan, lacag aan qareen Afrikaan ahi qaadaan hadda ka hor ayuu Butuc ballan qaaday in uu siiyo qareenkii diyaar u ah difaaca, cunuga Carta. 

Qareenadii Soomaalidii dhammaantood waa diideen in ay Carta cunugeeda (Odawaa) difaacaan xuquuqdiisa iyagoo ka baqaya in ay dadkooda iyo dalkooda dembi ka qalaan. 

Kadib wardheere iyo Butuc Booqasho hawleed ee la tashi Qareeno waaweyn ayey ku tageen dalal shisheeye.

Waxayse ka yaabeen in qareenadii shisheeyuhu iyaguna diideen in ay qadiyad aan raja lahayn difaacan. 

Qareen caalami ah oo la yaqaan ayaa  

Butuc kula taliyey in Cunuga qaxootinimo loo raadiyo iyada oo la tixgelinayo in aan aabihiis la aqoon iyo  

jinsiyadiisaba, loona aqoon sado qadiyadiisa qadiyad bini aadammino. 

Fikraddaas wardheere, waxay la noqotay mid aan laga fursan karayn, hase yeeshee Butuc waa ku gacan sayray wuxuuna  ku dhahay wardheere, horta dadka waxgaradka ah ee Soomaaliyeed aan la xaajoono oo aan weydiisano in ay Cunuga aqbahaan, haddii kale naga qanciyaan sababta ay ku diidayaan. 

Butuc wuxuu la xiriiray xeer beegti soomaali ah:- tollow cunuga naga aqbala oo dhalasho siiya waana wada anfacayaaye. 

Nin ku hadlay magaca xeerbeegtida soomaaliyeed ayaa codsigaas ka jawaabey oo dhahay gar yigil baanu nahay haddii ay caddaato in cunugu soomaali isir ku leeyahay maxaan ku diideynaa, taran diid ma nihin, taranta waa u baahanahay, dagaalkii sokeeye, caruur badan ayaa nagaga dhimatay, diinta islaamkuna waa dhiirigelineysaa taranta xalaasha ah ee sidee wax u hubinaa, cunuga dhiig halaga qaado, haddii baaristu sheegto in uu soomaali yahay waa qaadaneynaa cunuga kharash haddii aadn weydiisa taana waa bixineynaa, Butuc iyo Wardheere, waxay dhaheen waqtina siiya, fadhiga dib noogu dhiga aan tashanee! 

Aabe Butucow anigu waa daaley ee ma oggolaana in cunuga dhiigiisa la baaro, miyeynaan dhakhatiirta hawl fududayn siin Karin? 

Butuc wuxuu Wardheere ugu jawaabey, sidee noqotay, ma waxbaa si kaa ah, annagoo qaatiyaan ka joogna shahaado dhalasho forjary ah, miyaad leedahay isbitaalka dakhaatiirta joogta aan laaluush siino haddiise cunuga la baaro dhiigiisa sow kashifmi meyno, aan fadhiga qaadacno, cunugana iskaga qaraabta adiga iyo jamaacadaadu, markaad wax heshona (Shantu waalahayga) al caaqil yafham   ee  keen isu keena  

 

TAAYADA (EDITORIAL)

Somalinnimo:- Maxaa ka nool???

 

Fikradda qowmiyadda, sida Soomaalinnimada, carabnnimada, kurddinnimada, ayrishnnimada, turknnimada, jarmaannimada iyo wixii la mid ahi, asli ahaan waxaa bisleeyay reer Yurub oo ay xaggooda xoog ku yeelatay, labo dagaal oo waaweynna darteed ku galay. 

Dalka soomaalida, intii aan reer Yurub imaan, ma abuurnnay fefer qomiyad soomaaliyeed ee waxaa jiray reero waxaa abuurnnaa oo la daaficijiray oo lagu dhaadanjiray oo loo dagaallami jiray reernnimo waxaa suurta gal ah Sayid Maxamed Cabdulle Xasan, inay ku jirtay fikrad qowmiyadeed, si kasta ha u habaysnaatee… laakiin fikradda qowmiyadda Soomaaliyeed oo casriyaysan, waxaa horseeday dhallinyaradii SYL. 

Iyaga ayaa ifka si buuxda ugu soo saaray oo baahiyay waxaa jirtay mar gabarta ariga la joogta ay ka xishoonjirtay inay qabiil sheegato…. Fikraddaas qowmiyadda soomaaliyeed, xiissihii ay lahayd waxaa dhaawacay dawladdii Cbdillaahi Ciise… waxaa sii dhaawacay tii 1960-1969 waxaa araxda ka jebiyay nadaamkii Maxamed Siyaad Barre ee 1977 ka dib waxaa wadnaha ka muday xarakadii USC… 

Haddaba:- fikradda qowmiyadda soomaaliyeed ma dhammaatay oo waa marxuum? Mise wadnaha ayaa sii dig leh oo cisbitaal waa lagula carari karaa? 

Maanta ma jiri karaa nin Darod ah oo nin Hawiye ah naftiisa qoolikaraa, sidii muuro naftiisa ugu qoolay Cabdillaahi Ciise??? 

Reer Hargeysa, Calanka ay maanta faqaareyaasha ku gubayaan, mar ayuu wax walba kala qaalisanaa…

 

timacadde ayaa yiri:- aan siduu yahay eegee… 

Maanta wax qowmiyad soomaaliyeed la yiraahdaa ma ku sii nooshahay Hargeysa, Burco iyo Berberea? Muqdisho ma ka jirtaa? Gedo iyo Jubbooyinka ma taallaa??? 

Gobollada Puntland intay ku sii le'egtahay?????!!!??? 

Ina Salaad-Boy ma rumaysanyahay mise wuu ku faashleynayaa!!!???

 

AFKEENNU WAA ISU AMMAAN. 

Diidane:- oo waryaa Nuxnuxle afkeennu waa issu ammaane!!! Meeshii Buuhoodle ahayd, Jilibbo reer Puntland ah ayaa issu soo ciidansaday, oo colaad issu horfadhiya, sida la sheegay!!! Dowladdii Puntland-tuna issuma kala bixin ayaa la yirie!!!! Maxaa jira!!!! 

Nuxnuxle:-  Waxaa la yiri, wasiir-ku- xigeenkii ina Adan Carabna, markii uu hayaaydii ku xiiqay oo cid ka hoos qaaddana waayay, ayuu meel is-duuduubay, sida la sheegay!!! Afkeenu waa issu ammaane!!!! 

Diidane:-  Maqlay!!! Waxaa la yiri, arrini waxay kaga dhammaatay tii Sayid Maxamed uu yir:- 

Haddaan waayay ruux iga naxoo ii Nassabad sheegta miyaan waayay Naxariis Alliyo, Nebiga Jaahisa!!! 

Diidane:- Maxaa Warfaafinta looga saaray Heerka A-da oo loogu celiyey heerka B-da ??? 

Nuxnuxle:- Adigaa dammiin ayaad tahay…intaas miyaad garan weyday!!!  Is-reeb-reebkii ayay ku hartay!!!!. 

 

 

 

SHIR AY WADA YEESHEEN XILDHIBAANADA GOBOLKA NUGAAL IYO WAXGARADKA GOBOLKA. 

Sept 20/9/2000 waxaa hoolka shirarka ee Xarunta Gobolka Nugaal lagu qabtay shir ay ka soo qaybgaleen Xildhibaanada Gobolka Nugaal laga soo doortay ee ku jira Golaha Wakiilada Puntland, maamulka Gobolka Nugaal, Nabadoonada, Samadoonada  iyo waxgaradka Gobolka. 

Shirkaani wuxuu daba joogay shirar badan oo ka horeeyey oo waayahanba ka socday Gobolka Nugaal, loogana hadlayey nabadgelyada, Xasiloonida iyo sidii loo hormarin lahaa Gobolka Wadajir ahaan.  Eeg Bogga xiga 

Guddoomiyaha Gobolka Nugaal C/laahi Xasan Faarax (Baasaweyne) oo isagu hadalka furay, wuxuu sheegay in nabadoonada iyo waxgaradka Gobolkaan ay shir kan ka horeeyey naweeydiiyeen yiraahdeen xageebay ka bexeen xildhibaanadii laga soo doortay, sidaas darteed waxay nagu khasabtay inaanu isku kiin keeno oo halkaan ku kala bogataan arimihiina Guddoomiyuhu wuxuu hadalkiisa ku soo dhaweeyey Agaasimaha Guud ee Wasaaradda Arrimaha Gudaha iyo Amniga Md Yuusuf Macalin oo hadal gaaban halkaa ka soo jeediyey wuxuu sheegay Ilaahay mahad haka gaadhee, nabada iyo xasiloonida Goboladaani ku naaloonayaan inay sabab u yihiin odayaasha iyo waxgaradka deegaamada oo iyagu markasta u taagnaa sidii loo xasilin lahaa oo aysan dhibaato u dhicin. 

Agaasimuhu wuxuu yiri waxaan hadalka u deynayaa oo saaka dooddu dhextaal odayaasha iyo xildhibaanada Gobolkaan in kastoo la yiraahdo odayaashii iyo waxga-radkii faraha bay ka qaadeen arri-mhii ay bulshadu u hayeen, markii la dhisay Dawlad Goboleedka Punt-land. 

Intaas ka bacdi waxaa dood aad iyo aad u balaaran dhaxmartay Oday-aashii iyo xildhibaanadii ragbadan baana ka hadlay oo rayigooda iyo doodooda ka dhiibtay oo halakan lagu soo koobi Karin, doodaasina waxay ahayd mid ku dhisan isdha-liilid iyo sitoosin. 

Caydiid Cismaan oo odayaasha halkaas ka hadlay ka mid ahaa wuxuu yiri markuu hadlayey dawladii waxay dhisneyd labo sano iyo bilo mar kaliya ma oron odayaashii xagee ka baxeen, ma dhibtaan oday ku nahay, war shilinka oo la raadinayo ma iska daynaa oo wax ma qabsanaa. 

Doodaha laysdhaafsaday aad ayey u kululaayeen dhanka xildhibaanadana waxaa ka hadlay rag dhowr ah oo ay ka mid yihiin Dr. Maxamuud Cali Yuusuf (Gaagaab), Siciid C/laahi Muuse iyo C./laahi Maxamed Xaaji (Cawiif). 

Dr. Maxamuud Cali Yuusuf (Gaagaab) wuxuu yiri, horta sida ay wax yihiin inaynu isku sheegno waa fiican tahay, masuuliyada kaligayaga malihin, doorashadana waa ina wada khuseysaa, xildhibaanka shaqadiisu waa  xeer dejinta, masuuliyada waxay saaran tahay maamulka iyo Odoyaasha, wixii tabartayada ah diyaar baynu u nahay sidii loo hormarin lahaa Gobolka loogana wada shaqayn lahaa nabadgelyadiisa iyo xasiloonidiisa. 

 

SHIR LAGAGA HADLAY MASHAARIICDA HORUMARINTA DAWLAD GOBOLEEDKA PUNTLAND.

 

Garoowe 21/9/2000 PUNA 

Dr. Maxamuud Barre Muuse (Gaani) Agaasimaha Guud ee ku meelgaarka ah ee Qorshaynta,  wuxuu ka furay xarunta Agaasinka guud ee Qorshaynta iyo Bangiyada shir ay ka soo qaybgaleen Agaasimayaasha Guud ee Wasaaradaha iyo Hay'adaha Dawlad Goboleedka Puntland oo ku saabsan diyaarinta Qorshaynta horumarineed ee Dawlad Goboleedka Puntland. 

Dr. Gaani wuxuu shirka kaga hadlay ahmiyadda Qorshayntu leedahay Horumarinta dhaqaalaha, wuxuuna ku booriyey Wasaaradaha iyo Hay'adaha in ay diyaariyaan Qorshayaasha Mashaariicda horumarinta Dawlad Goboleedka Puntland, siiba kuwa mudnaanta leh. 

Waxaa kale oo shirkaa hadal ka jeediyey Agaasimaha Mashaariicda Mudane Xidig, la Taliyayaasha Agaasinka Guud ee Qorshaynta iyo Bangiyada Dawlad Goboleedka Puntland Dr. Siciid Fardhis iyo Dr. C/laahi Shiikh oo Mas'uuliyiinta u sharaxay qaabka diyaarinta Qorshayaasha mashaariicda horumarinta 

GUDDOOMIYAHA GOBOLKA NUGAAL OO KA QAYBGALAY SHIR LAGU QABTAY ISBITAALKA GAROOWE.

PUNA GAROOWE 21/9/2000 

Guddoomiyaha Gobolka Nugaal C/laahi Xasan Faarax (Baasaweyne), iyo Guddoomiye ku xigeenka 3aad ee Gobolka Md Cabdi Saleebaan, ayaa khamiistii oo bishu ahayd 21/9/2000 shir kala qayb galay shaqaalaha isbitaalka Garoowe oo lagu qabtay qolka shirarka ee Cisbitaalka. 

Shirkaas oo ay ka soo qayb galeen shaqaalaha iyo dhakhaatiirta Cisbitaalka waxaa halkaas ka hadlay Agaasimaha Cisbitaalka Md C/salaan Caydiid oo isaga ka wabixyay habka cisbilaalku maanta ku sugan yahay iyo doorka ay bulshadu uga baahan tahay Cisbitaalka iyo heerka Awoodiisu tahay.                        

Waxaa isna Hadley Dr. C/risaaq Xasan Cabdi oo

              Eeg Bogga xiga 

ah madaxa Caafimaadka Gobolka Nugaal oo ka warbixyay Caafimaa-dka Gobolka iyo dhibaatooyinka jira. 

Dhakhaatiirta iyo shaqaaluhu waxay si aad iyo aad uga cabanayeen inaysan haysan wax daryeel ah. 

Waxay kaloo sheegeen inay labao dhakhtar oo cisbitaalka ka howlgala ilaa iyo hada aan la siin wax gunno ah, meeshii waxaa jira Ribaartooninka qaarkood inuu isku dhex jiray sida Caruurta oo aan lahayn Ribaarto u gaar ah, laakiin hadda la wado Ribaartadaas laguna dhisay lacagta Raajada iyo fiisitada walise aan la dad Guddoomiyaha iyo Guddoomiye ku xigeenka oo markay dhagaysteen  

Warbixinadii iyo cabashooyinkii shaqaalaha iyo dhakhaatiirta, waxay balan qadeen inta tabartooda ah inay la dadaalayaan sidii wax loogu qaban lahaa. 

 

MADAXWEYNE KU XIGEENKA DAWLAD GOBOLEEDKA PUNTLAND OO BOOQASHO RASMI AH KU TAGIDOONO DALKA THAILAND

 

Garoowe 22/9/2000 PUNA 

Madaxweyne ku xigeenka Dawlad Goboleedka Puntland Maxamed Cabdi Xaashi ayaa maanta ka ambabaxay Magaalada Madaxda Dawlad Goboleedka  Puntland ee  Garoowe isaga oo hoggaami-ndoono wafdi ka socda Dawlad Goboleedka Puntland oo booqosho hawleed oo rasmi ah ku tegi doono Dalka Thailand, Madaxweyne ku xigeenka wuxuu ka dhoofidoonaa Gagada Dayuuradaha ee Magaalada Bosaaso, wuxuu ku sii hakan doonaa Dalka Emiraatka Carabta ee Midoobey (UAE) halkaasi oo uu joogi doono baaritaan Caafimaad 7 casho kadibna uga gudbayaan Thailand isaga iyo xubnaha wafdigii uu hoggaaminayo, waxaana la filayaa inuu masuuliyiinta Thailand la yeesho wadahadal ku saabsan Iskaashiga iyo wax wada qabsi dhaxmara Dawlad Goboleedka Puntland iyo dalka Thailand.