- [SW News] ( Maxamed F. Botan-Shiike") Dib Udhac Kuyimid Manta
Heshiiskii Puntland Iyo Xilligii Maqribka oo Laxaliyay : Posted on
15 May 2003
Date:
Wed, 14 May 2003 20:25:18 +0000
Subject: Dib Udhac Kuyimid Manta Heshiiskii Puntland Iyo Xilligii
Maqribka oo Laxaliyay
From: "Maxamed Cabdi faarax botan-Shiike" <faaraxbotan@hotmail.com>
Sida ay dad badan lawada socdeen , waxa lafilayay in lagu dhawaaqo
Maanta
Galinkii hore heshiiskii dhexmari lahaa Maamulka DG Puntland Iyo
Mucaaradka
Puntland, hasayeshee ma'aysan dhicin xafladdii sababo laxariira qodobo
yar
yar oo ay wax kasoo noqdeen.
Arrintan oo an kawaraystay Sargaal sare oo katirsan Hogaanka sare ee
Daraawishta DG Puntland,oo iga codsaday in aan magaciisa lasheegin
ayaa
waxaa uu yiri arrinta hakashada keentay waxay tahay qaabkii la'isagu
dhafi
lahaa Ciidamada labada dhinac, taso sargaalku ku
nuuxnuuxsaday in mamulka
uu 'u ogolaaday Mucaaradka in Ciidankooda tiro Saddex Boqol (300)
ah loogu
dari doono Ciidamada DG Puntland qaybahooda kala duwan, sida
Daraawiishta
iyo Poliska.
sargaalku waxa uu intaas ku daray in Ciidamada Mucaradka Hogaankooda
Sare ay
dalbadeen in Ciidamada loogudaro Tiro intaas kabadan oo gaaraysa
KUN(1000)Askari, halka dhinaca maamulkana uu 'u ogolaaday Tiro
Saddex Boqol
(300)ah, arrintan ayaa kentay in dib loodhigo xafladdii manta lagu soo
gabagabyn lahaa Howsha Nabadraadinta Puntland.
Xilligii Salaadda makhribnimo ee caawa ayaa madashii shirka
la'isagu
soonoqday, waxana ay Mamulku ogoladen in Ciidamada lakordhiyo oo
lagu
siyaadiyo Tiro dhan Laba(200)Boqol oo Askari, tasoo guud ahaan ka
dhigaysa
Ciidamada Mucaradka qaybta ay heleen inay noqoto Shan (500)oo Askari oo
kubiiraya dhamman hay'adaha Ciidamada DG Puntland Ee Poliska Iyo
Darawiishta.
Go'ankan markii uu soobaxay ayaa waxa shir gaar ah yeeshay Hogaanka sare
ee
Ciidamada Mucaradka , tasoo ay ku aqbaleen go'anka danbe, si
kastaba
ha'ahaatee sargaal sare oo katirsan dhinaca GBP ee xagga ciidamad
qaabilsan
ayaa waxa uu ii sheegay in arrinta ciidamada haddii ay dhamaato qabka
qaybta
ay laba dhinac si wada jir ahi usoo saarayaan Bayaan Nabdeed iyo
Warsaxaafadeed dheelitiran oo dhinacyo badan taabanaya.
waxaa madasha shirka kamuuqda marka aad dhinac kastaa ka eegto Sawir
muujinaya Guuxa Nabadda, waxa jira Culays badan oo dhinac kastaa
saaran oo
ka imanaya Jaaliyadaha dibadda iyo kuwa dibadda, isla markana waxaad
dareemaysaa Tanaasulaad dhinackastaa, majirto wax waji
nacayb ah oo
kamuuqda madasha shirka , iyo waliba sarakisha labada dhinac,
waxad
arkaysaa sarakiil laba dhinac ka kala hogaamiya ciidamooda isla markana
ay
wada fadhiyaan oo midkastaa taleefanka gacanta(Mobile)uu dhinaca u suran
yahay, waxad dadka kadareemaysaa Jacayla nabadda, waxa jira Hiloow Badan
oo
walaanimo, si kastaba arrintu hanoqotee waxan lasugaya illaa malinka
sabtida
ah in go'aankii kama danbaysta ahaa lagu dhawaqi doono haddii rabbi idmo.
|