- Title: [SW News] (SAHAN) Mudane C/Rizaak: "Waxaa Jiray
Heshiis Ina Dhex Maray Aniga Iyo Dawladda Ku Meelaarka ah"
- Posted by/on:[AMJ][Tuesday, May, 8, 2001]
WARAYSI
WARGEYSKA SAHAN C/RISAAQ XAAJI XUSEEN UU KALA YEESHAY GUDDIGGA CUSUB
EE KOOXDA CARTA MAGACAABEYN.
www.Sahanonline.com
Bosaaso,
May 6, 2001
Maxamed-deeq
Cabdulqaadir.
Waxaa
noo suuro galay kadib markii uu soo gaaray xarunta wargeyska Sahan ee
Bosaaso war sheegayay in uu wasiirka koowaad ee dawladda ku meelgaarka
ahi magacaabay guddi shan iyo labaatan xubnood ka kooban oo uu madax
ka yahay Cabdirisaaq Xaaji Xuseen oo ah oday Soomaliyeed oo aad loo
qadariyo, horayna Ra’iisul wasaare uga soo noqday dawladdii rayidka
ahayd ee dalka ayaa waxaa noo suuro gashay in aan waraysi gaaban
khadka Teleefanka kula yeesho C/risaaq Xaaji Xuseen oo haatan ku sugan
dalka Maraykanka isaga oo jooga gurigiisa, waraysigaasna waxa uu u
dhacay sidan:
S:
C/risaq maxaad kala socotaa guddiga dib u heshiisiinta ee maanta Xamar
lagaga dhawaaqay ee aad madaxda ka tahay.?
J:
Dhawaaqiisa lama socon laakiin waan filayay.
S:
horay baad uga wada hadasheen oo aad u aqbashay dawladda ku meelgaarka
ah miyaa.?
J:
waa filayay baan ku iri adeer, in la dhiso guddi dhibaatada iyo
foolxumada ay maanta Soomaaliyi ku jirto sidii looga bixi lahaa
falowgeed gala, dadkeenii waad ka war haysaa waxa maanta dhib haysta,
caruurtii iyo haweenkii waa baaba’een, cid daryeelaysaa ma jirto,
sidoo kale…
S:
xaggee rabtaa in aad wax ka bilowdo haatan haddii lagu magacaabay.?
J: ma
doonayo in aan ka hor dhaco hawsha bilowgeeda, arrintu waa arrin cusub
oo hadda bilow ah, inkastoo aan waxyaabi dhawr ah niyada ku hayno
laakiin illaa gudigu dhismo oo hawlihii la isku ogaa fulaan ma doonayo
in aan hawsha ka hor dhaco.
S:
guddiga waa la magacaabay dhismaha kale ee dhiman ee aad sheegaysaa
muxuu yahay?
J:
Guddiga Hadda la magacaabay final (kama danbays) ma aha, way ku jiraan
rag wanaagsan oo aan raali ka ahay laakiin sidaas ma aha.
S:
guddiga dawladaa magacawday adigana gudoomiyaad ka tahay maxaa ka
dhiman oo aad goobaysaa, sow in aad hawshii bilowdo ma aha.?
J:
sidaas ma aha adeer, guddiga in cid kale magacawdo ma ahayn waxa ay
ahayd in ninka Gudoomiyaha noqonaya loo daayo in uu xusho dadkii la
shaqayn lahaa, arintaasna haddaan anigu qabanayo wax baa ka dhiman.
S:
sharci miyaa jira sidaas qeexayay mise heshiis, sidee ku tiri.?
J:
Heshiis ayaa jira saxiixan oo arintaas ka hadlaya.
S:
oo yuu dhex maray heshiiskaasi.?
J:
aniga iyo nimankaas.
S:
kuwee.?
J: dawladda
ku meelgaarka ah.
S:
Xagee rabtaa in aad wax ka bilowdo haatan haddii hawshii dib u
heshiisiinta laguu dhiibay.?
J:
hawshu wali ma dhamma, marka guddigu dhismo ayaan galaynaa wixii nala
gudboon ee aan is niraahno Soomaaliya ayay dawo u keeni karaan.
S:
waxaa idin magacawday dawladda ku meelgaarka ah ee Jabuuti lagu dhisay,
waxaana jira maamulo iyo hogaamiye kooxeedyo ka soo hor jeeda marka
sidee dib u heshiisiin u samaynaysaan mar haddii dhinacyadii kale
idiin arkaan in aad ka mid tihiin kooxda ka Carte.?
J:
arrintu sidaas ma aha, waase ogahay in ay dadka qaarkood ka boodi
doonaan arrinta iyaga oo aan waxba hubsan, anagu adeer kama mid nihin
qolada Carta iyo qolo kale midna, taladu waxay ka mid ahayd
waxyaabihii ka dhashay shirkii Jabuuti, taladune meel kasta way ka
imaan kartaa, anagana waa masuuliyad na saaran in aan kuwa Shirkii
Jabuuti taageersan iyo kuwa diidan labadaba ku qancino in aan nahay
dad Soomaalinimo doonaya oo dhexdhexaad ah, dhaqaale ahaan iyo
siyaasad ahaana guddigu waa madax banaan yahay.
S:
Muqdisho goormaad haatan tageysaa.?
J:
muqdisho iyo dhinacyada kale ee dalka meeshii hadba ay markaas nala
noqoto in aan tagno waan tageynaa haddii guddigu dhismo, haddase wax
waliba waa biloow, khayr ayaan Ilaah ka rajaynaynaa.
Sahan
Bosaaso.
__________________________________________________________________________________
TAARIIKHDA
MUDANE C/RIZAAK
Guddoomiyaha guddiga oo ah mudane C/risaaq Xaaji Xuseen waxa uu ku
dhashay agagaarka magaalada Gaal kacyo sanadku markuu ahaa 1926 dugsi
quraanka ayuu ka galay degaankaasi wuxuuna 1937 ku biiray madaraso
Carabi ah iyadoo 1939 uu Muqdisho u soo wareegay uuna ku dhameystay
waxbarashada Dugsiga Dhexe .
Mudane C/risaaq wuxuu iibin jiray dukaan galabtiina wuxuu wax ka
baran jiray Dugsi Talyaani ah,1943 wuxuu ku biiray Askartii Ingiriiska
isagoo 17 jirkiisii loo qaatay qeybta taararka ee Militariga ,1943
ayuu C/risaaq Xaaji Xuseen ku biiray Ururkii Leegada SYL wuxuuna ka
soo qabtay xilal kala duwan ,waxayna SYL 1954 u diray qeyb Qaramada
Midoobey , 1956 wuxaa loo doortay Baarlamaanki wakhtigaasi jiray
1960-kiina C/risaaq wuxuu noqday Wasiirki Arrimaha Gudaha 1964-kii
waxa loo magacaabay Rai’isul Wasaare . C/risaaq wuxuu furay Xisbigii
DAB IYO DHAGAX isagoo mucaarad ah
Diinaari -- Warfaafinta Madaxtooyadda j.s.
diinaari@yahoo.com
__________________________________________________________________________________
Guddiga
Qaranka ee Dib u Heshiisiinta iyo Isu Celinta Hantida
Update/Sawiro, May 7
http://www.somaligov.com/
____________________________________________________________________________________
SOMALIA: New reconciliation committee formed
NAIROBI, 8 May (IRIN) - The office of the prime
minister of the Transitional National Government (TNG) of Somalia on 6
May appointed a new 25-member peace and reconciliation committee.
According to Somali political sources, the committee is expected to
send representatives to all regions of Somalia requesting
recommendations on how the reconciliation process can be completed.
Committee representatives will attempt to act as
intermediaries between the TNG and the existing regional
administrations and factions. The committee had been tasked to define
the most suitable way towards establishing a federal system, and to
find methods of addressing property and land issues, the source said.
The restoration of private property looted or lost during the last 10
years was one of the most contentious and pressing issues in any
reconciliation process, a Somali analyst told IRIN.
The committee includes representatives of most of
Somalia's clans, and some prominent individuals. Its chairman is
former Prime Minister Abdirazzaq Hajj Husayn; the former minister and
Rahanweyn elder, Abdiqadir Muhammad Zope; and Somalia's
internationally renown novelist, Nuruddin Farah.
In order for the committee to carry out its mandate
effectively, it will have to include missions to the self-declared
independent state of Somaliland, northwestern Somalia, and the
self-declared autonomous region of Puntland, northeastern Somalia.
Both administrations have rejected the TNG.
[
News] |