Xubnaha golaha wasiirada ee kooxda CARTA oo u khilaaf daran
soo kala dhexgalay.
by
BAYDHABO PRESS
Xubnaha golaha wasiirada ee kooxda CARTA oo u khilaaf
daran soo kala dhexgalay.
BAYDHABO Nove 22, 2000 (BP)- Wararka naga soo gaaraya magaalada Xamar
ayaa sheegaya in xubnihii golaha wasiirada ee kooxdii CARTA ay kala
qaybsameen khilaaf darana uu soo kala dhexgalay.
Xubno badan oo ka tirsan wasiiradaas una dhashay beelaha Daarood,
Digil iyo Mirifle iyo Isaaq ayay waraku shegeen in ay dalbadeen in
lagu celiyo degaanadooda iyaga oo sheegay in ay Xamar u imaadeen sidii
loo dhisi lahaa dowlad Somaaliyeed ee uma aanan imaan ayay yiraahdeen
in aan waqtigeena ku qaadano hoteelada Xamar amaankeenana khatar la
geliyo.
Waxaa kale oo qaar ka mid ah xubnahaas ay dhaliileen madaxa kooxda
CARTA sida uu noo soo sheegay xubin ka tirsan golaha wasiirada oo la
soo xiriiray wargeyskan iyaga oo cadeeyay in Cabdiqaasim uusan ahayn
nin dhisi kara dowlad Somaaliyeed oo loo dhanyahay, waxayna ku
tilmaameen in uu yahay nin sii kala fogeeynaya ummadda Somaaliyeed ee
la rabo in la isu keeno, wuxuu ka badin la'yahay ayay yiraahdeen in uu
uruuriyo maleeshiyo ay dhalasho wadaagaan iyo in uu ku qaraabto magaca
golaha wasiirada isaga oo ka dalbanaya kaalmo wadamada Somaaliya
taageera.