hogaamiyeyaasha Kooxaha Muqdisho oo Maleeshiyooyinkoodii ka gadoodeen.

SW News wpe25.jpg (8884 bytes)

Title: [SW News](QARAN) Qaar ka mid ah hogaamiyeyaasha Kooxaha Muqdisho oo Maleeshiyooyinkoodii ka gadoodeen.
From:[]
Date :[]09 Jan 2000

Qaar ka mid ah hogaamiyeyaasha Kooxaha Muqdisho oo Maleeshiyooyinkoodii ka gadoodeen.

MUQDISHO, Axad:

Hogaamiyeyaasha kooxaha Siyaasadda Muqdisho qaarkood qaarkood ayey ka gadoodeen maalmihii tagay maleeshiyooyinkii sida gaarka ah u taageeri jiray una dagaalami jiray.

Maxamed Qanyare Afrax ayey shalay ka gadoodeen ciidamo muhiim ah oo watay 3 gaari oo nooca loo yaqaano tiknikada ah, kuwaas oo uu la goostay taliyihiisii maleeshiyada Faarax Garamgaram oo QARAN u sheegay inaysan hoos tagay wixii haatan ka dambeeya.

Maxamed Qanyare Mar QARAN wax ka waydiiyey xaaladda gadoodka maleeshiyadaas ayaa wuxuu ugu jawaabay "wax waliba waxay leeyihiin Circulation, QARAN-na waxaan u aqaan in beeli iska leedahay, diyaarna uma ahi inaan war siiyo".

Nimankaas ka gadooday Mr. Qanyare ayaa lagu waramay inay horey ugu sii biireen koox kale oo 7 baabuur oo tikniko ah kala gadooday sanadkii hore kuwaas oo uu hogaaminayey Xaashi Maxamed Cadow (Dhabarey), waxayna haatan maleeshiyooyinkaasi fariisin ka sameysteen meel horey loo oran jiray Dugsi Shanaad.

Horey waxaa ilaaladiisii kaga gadooday kalana goosteen hubkii Dr. Xuseen Xaaji Maxamed (Bood) todobaadkii la soo dhaafy inkastoo duqowda dhaqanka iyo kuwa taageeraahi ay ku guuleysteen in dib loo heshiisiiyo isaga iyo maleeshiyadiisa.

Sanadkii hore Cali Mahdi Maxamed ayey ku kaceen ilaaladiisii, waxayna ka bililiqaysteen kaydkii dhexe ee hubka iyo rasaasta.

Maxamed Jaamac Furux iyo C/kariin Maxamuud Maxamed (Fara-badan) ayaa iyaguna todobaadkii tagay gadood ka muujiyey hogaamiye kooxeedkooda Xuseen Maxamed Caydiid.

Shir shalay ay yeelan lahaayeen hogaamiye kooxeedyadu ayaa gadoodyada maleeshiyadu saameyn ku yeeshay, una qabsoomi waayey arrintaas darteed, ka dib markii Xuseen Caydiid iyo Qanyare ay ku mashquuleen xaaladda maleeshiyadda gadooday.

(QARAN PRESS)

[Back to the top] [ News]