Mr. "President", Burn That Fake Money

SW News

Title: [SW News](Various MogPress) MR. "PRESIDENT", BURN THAT FAKE MONEY!
Posted by/on:[AMJ][Wednsday, February 14, 2001]

Interim government confiscates[NOT BURNED] fake bank notes
BBC Monitoring Service - United Kingdom; Feb 14, 2001

The interim Somali prime minister, Dr Ali Khalif Galayr, held a news conference in Mogadishu yesterday. The premier disclosed that his government had confiscated a good portion of the fake currency printed recently and brought to the country by some Mogadishu businessmen. The amount impounded was 60bn Somali shillings. The businessmen will be compensated for the expenses they incurred in printing the money, the premier said. However, the premier declined to give details of the government's compensation plan.

He said the businessmen had agreed not to repeat the act of printing money again, failure to which the government would take stern legal action against those found indulging in the unethical move.

The government was making arrangements to print its own bank notes to counter the printing of fake bank notes by some unscrupulous business people.

"We are concerned about the economic damage and social sufferings the fake currency has caused the people. The move was also a big blow to the interim government and we cannot tolerate a repeat of similar incidents," the Premier Galayr said...

Source: Xog-Ogaal, Mogadishu, in Somali 14 Feb 01 p*

______________________________________________________________________________

Dowladda KMG oo la wareegaysa 60 bilyan oo ka mid ah lacagihii ay soo daabacdeen ganacsatadu

Ra'iisal Wasaaraha Dowladda KMG ah, Dr. Cali Khaliif Galayr ayaa sheegay inay la wareegayaan 60 bilyan Sh. So. oo ka mid ah lacagihii been abuurka ahaa ee ay dhowaan keeneen ganacsatada magaalada Muqdisho.

Shir jaraa'id oo uu galabta ku qabtay Hoteel Ramadaan ayaa Dr. Cali Khaliif waxa uu ku xaqiijiyey in wada hadallo ay xalay yeesheen isaga iyo qaar ka mid ah ganacsatii lacagta keensatay ay is afgarad buuxa ka gaareen in qayb lacagta ka mid ah lagu wareejiyo dowladdiisa.

Waxa uu sheegay Ra'iisal Wasaaruhu inay arrintan furdaamiyeen Guddi uu isagu madax u yahay oo dowladdu ay u saartay inay arrinta sicir bararka wax ka qabtaan, waxaana uu sheegay oo kale inay weli dhab ka tahay eedeyntii ay u jeediyeen kooxihii soo daabacday lacagta. "Mabda' ahaan waa laysla oggolaaday in 60 bilyan oo shillin Soomaali ah ay nagu soo wareejiyaan, wixii farsamo ahna waxaa dhammeystiraya guddiga" ayuu yiri Cali Khaliif Galayr oo xusay inay weli ku howlan yihiin soo daabicista lacag cusub oo lagu beddelo shillin Soomaaliga .

"Waxaan ka sii tabaabusheysanaynaa inaan lacag kale dalka la soo gelin, haddii la soo geliyana aan sharciga la tiigsanno, waxaanan ballan qaadaynaa inaan ka hor tagayno annagoo kaashanayna shacabka iyo caalamka" ayuu yiri Ra'iisal Wasaaraha Dowladda KMG ah oo ku cel celiyey inay doonayaan inay xakameeyaan sicir bararka iyo lacagaha dalka ku soo qulqulaya. Mar aan weydiinnay in lacagtan macmalka ah ee ay la wareegeen oo hakisay howlihii ganacsiga ee suuqyada dalka ay iyaguna ku beddelan doonaan doollar iyo in kale, waxa uu sheegay inaanay suuqa soo gelin doonin.

"Waxaanu doonaynaa inaan ku bixinno kharashyada dowladda" ayuu yiri.

Waxa uu tilmaamay Cali Khaliif in lacagtan ay la wareegeen ay kharash celin uga sameyn doonaan ganacsatadii soo daabacatay, arrintaasina waxay qayb ka ahayd ayuu yiri heshiiskii aan xalay wada gaarnay.

Ra'iisal Wasaaruhu, waxaa kaloo uu shirka jaraa'id ka sheegay in si degdeg ah ay ku magacaabayaan Guddoomiyaha Bankiga Dhexe.

Waxaannu ka hortagaynaa ayuu yiri in sicir bararkan uu sii baaho. Hadalka Cali Khaliif, waxa uu ku soo beegmay iyadoo uu maanta hoos u dhacay qiimihii sarrifka doollarka Mareykanka.

Waxa uu maanta marayey 100-ka doollar 1,500,000, halka magaalada Kismaayana lagu soo warramay inuu ka ahaa 1,570,000. Gobollada Waqooyi Bari ayaa iyagana lagu soo warramay inuu maanta suuqyada magaalada Boosaaso iyo Garoowe cirka isku shareeray doollarku.

Suuqyada ganacsi ee magaalooyinka gobollada ayaa waxa ay ku jaango'an yihin suuqa ganacsi ee Muqdisho ee Bakaaraha, doollarkuna waa sheyga keliya ee koontaroola is beddelka ganacsiga dalka.

Aqoonyahannada magaalada Muqdisho ayaa ka deyrinaya xaaladda sicir bararka ah ee dalka soo food saartay. Prof. Maxamuud Cali Daahir (Prof. Guure) oo macallin qaanuunka ka ahaa kuliyaddii Gahayr oo aan waraysi kala yeeshay arrintan, waxa uu ii cabiray in lacagahan ay sababayaan abaar kulul oo la mid ah tii loo yiqiin Caga-barar ee 1992-kii ku dhufatay dalka.

Waxa uu sheegay Professor-ku inay mas'uuliyadda lacagahan leeyihiin maafiyada caalamiga oo ku adeeganaysa buu yiri kooxo ganacsato Soomaaliyeed ah, waxaana uu caalamka ugu baaqay inay wax ka qabtaan. Dhanka kale, kulan gaar ah oo irduhu u xiran yahay ayaa arrinta sicir bararkan waxaa shalay qolka u soo xirtay Madaxweynaha KMG ah, Cabdiqaasim Salaad Xasan, Ra'iisal Wasaaraha Cali Khaliif Galayr iyo Guddoomiyaha Baarlamaanka Cabdalla Deerow Isaaq.

Kulankan, waxa uu ka dhacay Madaxtooyada dowladda KMG ah, mana laga bixin wax faahfaahin ah, waxaase la sheegay inay si adag uga doodeen sidii loo wajihi lahaa lacagaha been abuurka ah. Kulanka saddexda nin oo socday muddo afar saac ku siman, kama soo bixin wax go'aamo ah, iyadoo shalay iyo maantaba dadweynaha magaalada Muqdisho uu si darran u sii saameeyey sicir bararkan xooggan, waxaana lagu arkayaa dariiqyada inay soo bateen dadka tuugsada iyo kuwa gaajada la dhac dhacaya.

Maxamed Xaaji (Ingiriis)
Muqdisho, Soomaaliya

_____________________________________________________________________________

DAWLADA KGM OO LA WAREEGTAY LACAGO BEEN ABUUR AH 14 Feb 2001 at 09:02

(Somalinet) Ra'iisul Wasaaraha dowladda KMG ah Cali Khaliif Galer ayaa shaaca ka qaaday in dowladda KMG ah ay la wareegtay lacagihii been abuurka ahaa ee ay dalka dibaddiisa ku soo daabacdeen ganacsatada bixisa qarashka ay isticmaasho dowladda KMG ah.

Cali Khaliif oo shalay Hotel Ramadan ugu warramayey Saxaafadda taageerta Dowladda KMG ah ayaa sheegay in lacagta ay la wareegeen ay dhan tahaylixdan bilyan oo shilin Soomaali ah, wuxuuna caddeeyey in ganacsatada lacagtaas keensatay la siin doono kharashkii ka galay soo sameysashada lacagta. Wuxuuna intaas raaciyey in ganacsatadu ay u ballan qaadeen in aysan mar dambe soo sameysan doonin wax lacag ah.

Ra'iisul Wasaare Galeyr wuxuu sheegay in hadda wixii ka dambeeya sharciga lala tiigsan doono ciddii soo sameysata lacag cusub, hase ahaatee ra'iisul Wasaaruhu wuxuu iska indha tiray in tillaabo laga qaado kuwa sida joogtada ah u keenayey lacagtan oo uu weliba abaal gudka uga dhigayo in dib loogu celiyo hantidii ka gashay soo daabacashada lacagtaas.

Maxamed Muxiyadiin cali - Muqdishu, Soomaaliya

_____________________________________________________________________

Bannaanbax ka socda guriga mid ka mid ah ganacsatadii soo daabacday lacagta been abuurka ah

Maxamed Xaaji (Ingiriis)
Muqdisho, Soomaaliya
E-mail: Ingiriis@yahoo.com

Feb 12 (HOL) - Dibadbax qalalaase wata ayaa hadda ka socda afaafka hore ee guriga uu ka deggan yahay magaalada Muqdisho mid ka mid ah ganacsatadii muddooyinkanba soo daabacayey lacagaha been abuurka ah oo ah ganacadade Xuseen Goleey.

Dad caraysan oo isugu jira qaybaha kala duwan ee bulshada ayaa waxa ay gubayaan taayerro, waxaana gurigiisa u gudbaya qiiq, boor iyo sawaxan. Waxa ay dadku ku qaylinayaan "le'da adiga iyo carruurtaadaba."
Dad ku dhow dhow ganacsadaha. waxa ay ii sheegeen inuu gurmad weydiistay qaar ka mid ah ganacsatadii kale ee lacagahan la soo daabacatay oo uu ka mid yahay ganacsade Maxamed Cabdulle Deylaaf. Gurmadka ayaa la filayaa inuu si degdeg ah gurigiisa ku soo gaaro.

Dadka bannaanbaxa wada, waxaa ka mid ah Faadumo C/llaahi oo horey u soo kexeysatay lix carruur ah oo ay dhashay. Iyadoo ilmo ay indhaheeda ka qubanayso, korna u qaylo dhaaminaysa ayaa Faadumo C/llaahi waxa ay inkaar iyo habaarba isugu daraysaa ganacsadaha oo isagu deggan magaalada gudaheeda, halka kuwa kale ay duleedka magaalada kala deggan yihiin.

Xuseen Goleey, waa qandaraas qaate ka lacagaystay sannadihii ugu dambeeyey hay'adda ICRC. Waxa uu ka mid yahay ganacsato fara ku tiris ah oo ku heshiiyey inay lacago iskood u soo daabacdaan.

Ganacsade Goleey, waa xubin ka mid ah ganacsatada taakuleysa dowladda KMG ah. Bishii Disembar ee sannadkii dhowaa waxa uu ka shaqeeyey inay isu soo dhowaadaan Madaxweynaha KMG ah Cabdiqaasim Salaad iyo hoggaamiye kooxeedka Xuseen Xaaji Bood. Markii kulankoodu uu dhammaaday ayuu ganacsaduhu noo qaybiyey qoraalkii ay sida wadajirka ah u soo wada saareen dhinacyadaas.
Ra'iisal Wasaaraha dowladda KMG ah, Dr. Cali Khaliif Galayr ayaa dorraad noogu sheegay shir jaraa'id in haddii ay soo caddaato inay lacagtan leeyihiin Maxamed Cabdulle Deylaaf iyo Xuseen Goleey ay dowladdu qaadanayso mas'uuliyadda lacagtan iyo sicir bararkaba ah.

"Haddii labada ganacsade ay ku lahaadaan lacagta qayb yar ama 20% iyo wixii la mid ah mas'uuliyadda dowladdu ma laha" ayuu yiri Dr. Cali Khaliif Galayr oo sheegay in intii ay lacago been abuur ah soo daabacan lahaayeen dad iyaga mucaarad ku ah ay u dhaanto inay soo daabacaan dad ay qaban karaan, waa sida uu hadalka u dhigaye.
Dhanka kale, waxaa maanta magaalada Muqdisho tiigsaday meeshii ugu sarreysay qiimaha doollarka Mareykanka. 100-ka doollar ayaa waxaa lagu sarrifayey suuqa weyn ee Bakaaraha 1,540,000 oo shillinka Soomaaliga ah.
Cabdi Aadan oo ka tirsan dukaanka sarrifka doollarka ee Farayare ayaa waxa uu ii sheegay in sababta uu doollarku heerkaas u gaaray ay tahay iyadoo suuqa ay soo galeen warar sheegaya in ganacsatadii la timid lacagtu ay ku tala jiraan inay kuwo kale keenaan.

Dhaqdhaqaaqa ganacsi ee suuqa ayaa gebi ahaanba maanta oo dhan go'naa. Dadka bakhaarrada leh ayaa suuqa gudihiisa waxa ay iigu sheegeen inay wax ku iibinayaan doollar oo ay joojiyeen shillin Soomaaligii.
Sidoo kale, dadka ganacsatada danyarta ah ayaa waxa ay iyaguna niyad xumo ka muujiyeen wax ku kala iibsiga doollarka oo ay sheegeen inay tahay mid la degaysa dhaqaalahooda.
Magaalada Muqdisho, dadku dhammaan, waxa ay ka xun yihiin imaanshaha lacagtan oo noqotay arrin ay dadku kaga soo horjeesteen dowladda KMG ah, iyadoo ay badatay mucaaradka ka horjeeda. Dadku waxa ay afka ku hayaan madaxda dowladda iyagoo ku dhalleeceynaya inaysan u jiir naxaynin shacabkooda.
Golaha Baarlamaanka KMG ah ayaa maalinta berri ah shir degdeg ah oo aan horey loo sii qorsheynin waxa uu isugu imaanayaa Hoteel Ramadaan, waxaana uu kaga hadlayaa arrinta lacagtan, iyadoo la filayo inay Dowladda KMG ah weeraraan.

Horey ayaa Guddoomiyaha Goluhu, Cabdalla Deerow Isaaq, waxa uu ku hanjabay inay kalsoonidooda kala noqonayaan Dowladda KMG ah. Waxaa kaloo uu farta ku fiiqay inaysan dowlad sii sheeganaynin iyadoo shacabku ay gaajo iyo macluul qarka u saaran yihiin.

________________________________________________________________

Counterfeit Somali banknotes worth 90bn shillings arrive in Mogadishu

Feb 12 (Qaran) - Somali currency banknotes totaling almost 90bn shillings owned by Somali businessmen arrived yesterday and on Saturday [10th February] at the Ballidoogle airport, Shabeellaha Hoose Region.

Three planeloads of banknotes which were being awaited by Muhammad Deylaf - a prominent businessman involved in the counterfeit currency, which has been arriving in the country especially in the south and northeastern regions - were stored in a special warehouse at the airport.

The money exceeds last Thursday's consigment which arrived at the Ballidoogle airport, and caused one of the worst cases of hyperinflation in recent memory. Most of the cash was brought into the city last night after midnight and was destined for warehouses near Mogadishu port. It has become common practise for businessmen to retain banknotes at the Balligoodle airport whenever there is public anger on the matter.

The businessmen who brought the money are financiers of the interim government. This matter has brought a fierce debate between the interim government, which has distanced itself from money, and the parliamentary Speaker.

The market is still reeling from last Thursday's inflation and it is expected that the new banknotes from Ballidoogle would double the inflation rate. Reliable reports say that other consignments of banknotes would soon arrive at the airport.

____________________________________________________________________________________

Counterfeit currency still flooding into Somalia. - Tuesday, 13 February, 2001

Somalia looks to be on the brink of massive inflation after new batches of counterfeit banknotes were delivered to local businessmen over the weekend, the Somali newspaper `Qaran' reported on its website on Monday.

The notes flown into Ballidoogle airport in the Shabeellaha Hoose region total almost 90bn Somali shillings, or about 34m US dollars.

Most of the cash, which was ordered by businessmen funding the interim government, will be sent to warehouses in the capital, Mogadishu.

A batch worth about 3m dollars which arrived on Thursday sparked "one of the worst cases of hyperinflation in recent memory", the newspaper said, and more deliveries are expected.

Source: Qaran

___________________________________________________________________________________

EU, CARE IYO ICRC OO LAGU EEDEEYEY INEY LUG KU LEEYIHIIN LACAGAHA FAALSADA AH 11 Feb 2001 at 11:09

(SomaliNet) Xidhibaan Maxamed Cumar Maxamed (Maxamed Dheere) oo xubin ka ah golaha Baarlamaanka Soomaaliyeed ee KMG ah ayaa shaaca ka qaaday in qaar ka tirsan hay'adaha Samafal iyo Ururrada Caalamiga ah ee ka howlgala Soomaaliya ay ku lug leeyihiin Lacagta been abuurka ah ee ay dalka dibaddiisa ku soo daabacdeen qaar ka tirsan ganacsatada Soomaaliyeed.

Warkan oo saakay lagu daabacay Jariidadda Maalinlaha ah ee ka soo baxda Xamar ee la yiraahdo Muqdisho Times, ayuu xildhibaanku ku sheegay in ay ayaan darro tahay in hay'adihii samafalka ee u xil saarnaa samata bixinta shacbiga Soomaaliyeed ay shaqaalahoodii ka qayb qaataan baabi'inta iyo dhibaatooyinka sicir barar ee lagu hayo Ummadda iyagoo ka faa'iideysanaya tas-hiilaadka iyo awoodaha gaarka ah ee xafiisyadooda. "Waa ayaan darro in Xuseen Goley oo CARE ah, Xuseen Salaad oo ICRC ah iyo Axmed M. M.(Washington) oo wakiil u ah EU in ay ka qayb qaataan daabacaadda lacagta been abuurka ah, waxaana ugu baaqayaa hay'adaha ay u shaqeeyaan inay tillaabo cad ka qaadaan saraakiishaas, haddii kale shacabka Soomaaliyeed wuxuu u qaadan doonaa in hay'adahaas laftoodu ay ku lug leeyihiin" ayuu yiri xildhibaan Maxamed Cumar (Maxamed Dheere) oo isla saakay u kicitimay Tuulada Wargaadhi oo ka tirsan gobolka Sh/Dhexe halkaas oo uu uga qeyb gali doono kulan ay halkaas ku leedahay Beeshiisa.

Maxamed Muxiyaddiin Cali - Muqdisho-Soomaaliya.

___________________________________________________________________________________

SUUQYADA MUQDISHU OO SHALAY LA XIRAY 13 Feb 2001 at 09:21

(Somalinet) Suuqyada ugu waaweyn Magaalada Muqdisho ayaa shalay albaabada loo laabay kadib markii qiimihii sarrifka doollarka iyo qiimaha waxyaabaha kaleba uu cirka isku shareeray. Tani waxay ka dambeysay kadib markii maalintii Axadda iyo Khamiisi ay garoonka Balli doogle ganacsato kala soo degtay lacag cusub oo ka mid ah lacagihii been abuurka ahaa ee muddooyinkan dambe dalka soo gelinayeen.
Sarrifka doollarka ayaa gaaray meel uusan weligii gaarin, iyadoo 100-kii doollar lagu sarrifayey 1,600,000 Sh.So.( Hal Milyan,iyo lix boqol kun Sh.So.), sidoo kalena waxaa kor u kacay qiimaha la kala siisto cuntada iyo waxyaabaha kale ee daruuriga ah.
Shalay galab ayey ii suurto gashay inaan Indhaheyga ku soo arko Bakhaar weyn oo u dhow dekwdda weyn ee Muqdisho, halkaas oo lagu dejinayey lacagahaas,dhanka kalena Wargeyska Qaran ee ka soo baxa Magaalada Muqdisho ayaa shalay qoray in Ganacsade Maxamed Deylaaf uu garoonka Balli doogle joogay markii ay soo dageysay lacagtaas cusub.
Maxamed Muxiyaddiin Cali - Muqdisho Soomaaliya

__________________________________________________________________________________________________

Bannaanbax ka�

Burco: [Xiddigta Banaadir]

Bannaanbax looga soo horjeedo sicir bararka ay keentay lacagta shilin Soomaaliga ah ee dalka la soo geliyay ayaa ka dhacay magaalada Burco, iyadoo ay ka qeyb qaateen ganacsatada degaankaasi.

Wararku waxay sheegayaan inay ganacsatadu ka cabanayeen lacagta shilin Soomaaliga ah, iyagoo diiday inay qaataan lacagta cusub ee Kunka shilin.2

________________________________________________________________

Isniin 12-ka Febraayo 2001. XIDDIGTA BANAADIR Cad. 613-aad San. 6-aad Bogga 4-aad

WARBIXIN KU SAABSAN WARSHAD LA SHEEGAY IN AY FARSAMEYSO LACAG SHILIN SOOMAALI AH

Warshad ku taala agagaarka Suuqa Xoolaha ee magaalada Muqdisho oo dhowaan qaar ka mida Warbaahinta ay shaacisay in lagu sameeyo lacag Shilin Soomaali ah ayaa waxaa shalay booqasho ku tegay Saxafiyiin Soomaaliyeed oo lagu martiqaaday si ay indhahooda ugu arkaan warshadaasi iyo waxa ay sameyso.

Suxufiyiinta oo shalay booqday xarunta Warshadaas oo ku taala afka hore ee Suuqa Xoolaha waxaa ay soo indha indheeyeen dhismaha warshadda oo ka kooban toban qol, waxayna ku arkeen in laba qol ay ku jireen qalab dhismo oo Electric ah, saddex qol ay ahaayeen xafiisyo, hal qol oo bakhaar ah isla markaana faaruq ahaa iyo qol warshad aan rakibneyn ay dhex taal.

Md. Ayuub Axmed Suudi oo ah maamulaha warshadaasi isla markaana ka mida saamileyda warshadaas oo Suxufiyiinta hor kacay ayaa u furay dhammaan qeybaha warshadaas oo qoraaladeeda ay ka muuqdeen inay tahay warshad sameysa Nacnaca iyo Xanjada, iyadoo dhammaan la eegayay qeybaha ay ka kooban tahay warshadaasi.

Qalabka warshadda ee halkaas yiilay ma ahayn mid u sameysan qaab warshad wax shubta ama wax daabacda ee waxay ahaayeen qalab lagu far-sameeyo Nacnaca iwm.

Maareeyaha warshadaasi Ayuub Axmed Suudi oo weriyayaasha warbixin siiyay ayaa shaaca ka qaaday in warshadoodu ay tahay mid ay ugu talo-galeen sameynta Nacnaca iyo Xanjada oo ay leeyihiin ganacsato Soomaaliyeed isla markaa-na ay la yaabeen wararka shee-gaya inay tahay warshad same-

ysa lacagta.

"Ma jiro weriye noo yimid oo ka socda HornAfrik, waxaana diyaar u nahay inaynu tusino cid kasta oo waxgarad ah iyo weriyayaasha si loo ogaado xaqiiqada" ayuu yiri Md. Ayuub oo sheegay in wararka la buun buuniyay ee laga faafiyay war-shadaasi ay yihiin kuwo aan sal lahayn oo uusan garaneyn waxa loogu dan leeyahay.

Maamuluhu waxa uu sh-eegay in warshadaasi aysan la-hayn Ciidamo badan oo ilaaliya marka laga reebo laba nin oo goobta waardiyeysa, dhammaan wararkii laga fidiyayna ay yihiin been abuur, isagoo sheegay in marka la furayo warshadda lagu casuumi doono Suxufiyiin iyo dad Soomaaliyeed oo waxgarad ah.

Md. Ayuub Axmed Suudi waxa uu sheegay in tan iyo markii la faafiyay wararkaasi beenta ah ay ku soo yaaceen dad fara badan oo tuhunkaas la geliyay, isagoo sheegay in maalin kasta ay dad tusiyaan si ay u cadaato inaysan warshaddu ahayn mid lacag sameysa.

"Waan ka soo horjeednaa lacagta been abuurka ah ee dalka la soo geliyay wax lug ahna kuma lihin mana taageereyno" ayuu yiri Md. Ayuub Axmed Suudi oo Saxaafadda u tilmaamay inaysan habooneyn in la buun buuniyo wax aan jirin oo bulshada khalkhal lagu abuuro.

Sidoo kale warshad uu leeyahay ganacsade Xaaji Abuukar Cumar Cadaan oo iyadana la sheegay in lacag lagu farsameeyo oo ku taal agagaarka Suuqa Xoolaha ayaa la filayaa inay dhowaan tagaan Suxufiyiinta si ay xog-ogaal ugu noqdaan arrimahaasi. Wararka soo baxay ee sheegaya warshado farsameeya lacagta Shilin Soo-maaliga ah oo Muqdisho la kee-nay waxa ay ka mid tahay wax-yaabaha keenay sicir bararka iyo kacdoonka dhaqaale ee dal-ka ka dhacay, iyadoo ay taasi tahay buun buunin xoog leh iyo tashwiish lagu furayo dadka So-omaaliyeed.

Waxgarad badan oo Soomaa-liyeed ayaa ka deyriyay qaabka warbaahinta ay uga qeyb qaad-atay sicir bararka iyo kicinta Su-uqa, iyadoo xooga la saarayo wax kasta oo keeni kara in Doll-arka sare u kaco isla markaana ay maciishadu ciriiri sii gasho.

[ News]