shirkii somalida oo shindhaaf ku dhicisoobay..jagne

Column
[SW Column] (jagne dahir) Shirkii Kenya Shindhaaf buu ku dhicisoobay. :Posted on 29 Nov 2003

Opinions expressed in this column are those of the contributors and not necessarily those of SW.

Shirkii Kenya Shindhaaf buu ku dhicisoobay.

"jagne dahir" <jagne3@hotmail.com>

Dowlada Kenya waxay magacowday Safiir cusub oo la shaqayn doona Dowlada Somaliyeed ee aan wali dhalan, waxana isna horay u jiray Safiir ay Dowlada Kenya u xilsaartay in uu Shirka Shindhaafay Dowlad ka dhaliyo.

Madama aanay wali dhalan Dowlada lala shaqayn rabo waxay Labada Safiir isku qabsadeen ka dhalintii shirkaas, waxana isku dhexyaacay Xilkii ay labada Nin iyo waliba Xilkii Dowlada Kenya iyo IGAD ay kala lahaayeen, taas oo dhalisay in uu isbadalo Qaabkii iyo Xowligii uu Shirku u socday iyo waliba in uu Shirku gabi ahaanba istaago oo ay lunto kala Danbayntii Shirka IDAG looga danbaynjiray.

wuxuuna sidaas Shirkii ugu sifoobay oodhaahta tiraa „Doon labo Naakhuudo leh way dagtaa“.

Labada Safiir waxay kala yihiin Maxamad Cabdi Afay oo Xiriir fiican Cabdiqaasim la leh, Shirkii Cartana ka qayb galay, Awoodna u yeeshay in uu Wasaarada Arimaha Dibada ee Kenya ka gado wuxuu Cabdiqaasim rabo iyo Safiirka Dowlada Kenya ay Shirgudoonka Shirka u magacowday kiplagath, kaas oo isagu raba in uu Shirku guulaysto iyo in Somalida inta badan la tixgaliyo.

Labadaas Naakhudo wuxuu midkasta leeyahay taageerayaashiisa tusaale ahaan Maxamad Cabdi Afay wuxuu taagero ka haystaa Wasaarad Arimaha Dibada ee Kenya Dowlada Jabuuti Kooxda Cabdiqaasim iyo in yar oo Ururad Bulshada Rayid ka mid ah, Meesha kiplagath uu taageero ka haysto Somali inta badan, Ururad Bulshada Rayid ah inta badan,G8 , SRRS, DGPL, Kooxda Carte Garabka Xasan Abshir iyo Deerow iyo Xubnaha ugu firinfircoon Gudiga IGAD ee Shirka loo xilsaaray

Haddeerna xaqiiq ahaan waxa Shirka wadidiisa isku haystaa oo keenay in uu Shirku dhinac u dhaqaaqi waayo waa Wasaarada Arimaha Dibada ee Kenya oo amartay in la fuliyo Shuruudaha uu Cabdiqaasim rabo ama in shirka lagu kala tago iyo Gudiga IGAD Shirka u xilsaartay oo qaba in la tixgaliyo Go´aamadii la kala saxeexday.

Amarka IGAD kor uga yimid ee ay Wasaarada Arimaha Dibada ee Kenya ay bixisay ee ah in la qaato sida Cabdiqaasim rabo wuxuu ka dhashay booqashadii uu Maxamd Cabdi Afay Muqdisho ku tagay iyo kulan Sadexgeesood ahaa oo intii uu Kiplagath Jeneva ku maqnaa dhexmaray Wasaarada Arimaha Dibada Kenya iyo Wakiilka Cabdiqaasim Cali Baashi iyo Safiirka cusub ee Kenya Maxamad Cabdi Afay iyo waliba kulan kale oo kaas ka danbeyey oo dhexmaray Wakiilada Jabuuti Shirka u jooga iyo Wasiirka Arimaha dibada ee Kenya iyo Maxamed Cabdi Afay.

Go´aanka Kulamadaas ka soo baxay waxay laba dible u xireen Wakiilka Shirka Kenya u qaabilasan kipligath oo aan Awood u lahayn in uu Go´aan Wasaarada Arimaha Dibada ee Kenya ka soo baxay ka hor yimaado iyo isaga oo ay ku agad tahay in uu Somalida inteeda kale iyo Wakiilada IGAD ku qanciyo in dhamaan Go´aamadii la gaaray hal mar la tuuro si Cabdiqaasim Doonta loo soo saaro iyo waliba waxkasta siduu Cabdiqaasim u yeeriyey in loo qaato

waxaa arinta sii murgiyey Go´aamada Dowlada Kenya ay Cabdiqaasim ka yeeshay oo ah kuwo aan marna la aqbalikarin

gaar ahaan markii la fiiriyo Nuxurka Qobada Cabdiqaasim laga ogolaaday oo ah

· In marka hore la badalo Xasan Abshir iyo Deerow laguna badalo Rag cusub oo Cabdiqaasim matalaan iyo in wax laga badalo Qaabka guud ee Shirka.

· In la kordhiyo Tirada Hogaamiyeyaasha Shirka soo laga buuxiyo Koox uu Cabdiqaasim wato.

· In la badalo Hogaanka Ururada Bulsha oo la keeno kuwo Cabdiqaasim raacsan.

· In Somaliland laga keeno Dad uu Cabdiqaasim wato si uu Cabdiqaasim Aqlabiyed u helo.

· In Kiblagat lagu badalo Maxamad Cadi Afay si loo fushado Qorshayaal qarsoon.

Mana ahan xiriirka Maxamad Cabdi Afay iyo Cabdiqaasim mid qarsoodi ah waxaan laga garan karaa

· Khadbadii uu Maxamed Cabdi Afay ka jeediyey Xafladii Safiirkii hore ee Masar lagu sagootineyey markuu yiri „ Cabdiqaasim Shirku in uu guulaysto ayuu rabaa“ iyadoo la wada ogsoon yahay in Cabdiqaasim rabo in uu shirku burburo.

· Khudbadii uu Madaxweynaha Kenya Shirka Kampala ka jeediyey ayaad ka garanaysaa in Dowlada Kenya Warka Shirka Wasaarada Arimada Dibada ka qaadato ee aanay gudiga IGAD ka qaadan.

· Ku dhaganaansha Jabuuti iyo Cabdiqaasim ay ku dhagan yihiin in Kiplagad la badalo ayaad ka garan in ay rabaan in Maxamd Cabdi Afay Booskaa loo dhiibo si ay ugu shubtaan Shirka.

· Tixgalin la´aanta Dowlada Kenya ay tixgalin la dahay Somali inta badan ee Dowlada u ooman Sanad in ka badana Shirka fadhiyeen ayaad ka garn in Kenya ay ka talo baxday Hogaamiyeyaasha shirka joogaan.

Marka Maadaama Heshiiska Cabdiqaasim lala gaaray uuna Somali inta badan u cuntamin oo aanay ogolaanayn in waxkasta Sanad ka dib Eber laga soo bilaabo oo waliba Hogaamiyaal cusub hadda la falkiyo waxaa hubaal ah in Shirkii ugu dheeraa ee Somali loo gabtay in uu Shindhaaf ku dhicisoobay waxaana hubaal ah in ay Masuuliya Burburka Shirkaas Madax u ridanayso Dowlada Kenya iyo Maxamad Cabdi Afay oo Wasaarada Arimaha dibadana ee kenya ku qanciyey in la qaato talada Cabdiqaasim oo ah mid Shirka lagu burburinrabo.

[Column]